Cuntegn da la pagina

Model directiv

SERVETSCH ORIENTÀ A LA CLIENTELLA

Nus savain che nus essan vegnids engaschads per furnir servetschs pronts e cumpetents a nossa clientella. Perquai èsi impurtant per nus da garantir ina cuntanschibladad optimala.

 
Igl è impurtant per nus, che nossas collavuraturas e che noss collavuraturs sco er che nossa clientella possian sa fidar da noss pled. Nossas empermissiuns considerain nus sco liantas.
 

Nus ans stentain d'ans adattar uschè svelt sco pussaivel als interess ils pli novs da nossa clientella.
 

Nus tschertgain soluziuns prontas, flexiblas e nunbirocraticas.
 

Nus contactain las collavuraturas ed ils collavuraturs sco er la clientella cun respect, cun amicabladad e cun toleranza e sche pussaivel en la lingua naziunala svizra ch'ellas e ch'els han tschernì. 
 

INFURMATIV

Nus ans stentain da communitgar vicendaivlamain da tut temp avertamain, cleramain e detagliadamain davart tut las chaussas che nus duvrain per nossa lavur da mintgadi u da las qualas nus pensain, ch'ellas interesseschian las autras collavuraturas ed ils auters collavuraturs.
 

Persunas d'ordaifer vulain nus orientar uschè svelt sco pussaivel en quest senn.  
 

CUMPLESSIV

Nus ans chapin sco in grond team. Nus essan conscients che nus obtegnain la pli gronda servetschaivladad, sche nus collavurain tuts en moda optimala.
 

Ma nus savain er che mintga collavuratura e che mintga collavuratur da noss uffizi s'engascha maximalmain. Perquai sustegnain nus lur agir.

 
En cas da basegn ans gidain nus da tut temp vicendaivlamain tant sco pussaivel.
 

Nus savain tge che las autras collavuraturas e tge ch'ils auters collavuraturs san, e giain en cas da basegn per las dretgas infurmaziuns al dretg lieu. 
 

ACTIV

En noss servetsch a la clientella examinain nus regularmain ils andaments da lavur, ans stentond d'als meglierar.
 

Per pudair porscher ina cumpetenza professiunala maximala a nossa clientella, ans scolain ed ans perfecziunain nus permanentamain.
 

Noss agir duai vegnir determinà tras:

  • preschientscha unitara ed unitad interna 
  • communicaziun averta, clera e cumplessiva 
  • fidadadad 
  • servetschaivladad 
  • cumpetenza professiunala