Navigation

Inhaltsbereich

Il post spezialisà per l'integraziun en il mund da lavur (Rait sociala) sustegna per incumbensa da l'uffizi dal servetsch social e da las vischnancas persunas, che han il dretg da survegnir agid social, tar l'integraziun professiunala en il mund da lavur u tar l'integraziun sociala tras activitads praticas. El intermediescha a persunas che retschaivan agid social programs d'engaschament, engaschaments tar organisaziuns da non-profit, praticums e.u.v.

L'annunzia vegn fatga dals servetschs socials regiunals u da las autoritads d'agid social da las vischnancas.

 

Avais Vus dumondas u problems? Fixai in termin da cussegliaziun. As drizzai per plaschair al servetsch social regiunal da Vossa regiun u directamain a l'autoritad d'agid social da Vossa vischnanca.

Survista dals servetschs socials regiunals en il chantun Grischun