Zum Seiteninhalt

Portal da la furmaziun professiunala

En il portal da la furmaziun professiunala pon manaschis d'emprendissadi:

• endatar contracts d'emprendissadi,
• inoltrar contracts d'emprendissadi per l'approvaziun,
• inoltrar prolungaziuns da contracts d'emprendissadi,
• inoltrar schliaziuns da contracts d'emprendissadi,
• prender invista da datas da contracts d'emprendissadi ed elavurar talas,
• endatar ed adattar datas davart furmaturas e furmaturs da la professiun,
• inoltrar dumondas per permissiuns da furmaziun,
• modifitgar datas per l'indicatur da las plazzas d'emprendissadi libras (LENA).

Qua vai al portal da la furmaziun professiunala

- 

Administraziun da las utilisadras e dals utilisaders

Support

Numer da telefon: +41 81 257 62 00 (cuntanschibel da glindesdi fin venderdi da las 8.00 – 12.00 e da las 13.30 – 17.00)
E-mail: portalsupport@afb.gr.ch

Tgi dal manaschi duai survegnir in login?

L'administraziun da las datas sin il portal è ina chaussa da confidenza. Correspundentamain èsi impurtant tgi che vegn autorisà d'administrar las datas dal manaschi d'emprendissadi u da las emprendistas e dals emprendists.

Tgi è cumpetenta u cumpetent en Voss manaschi per las lavurs administrativas menziunadas qua survart? Questa persuna dovra in login. Quai na sto pia betg esser la furmatura professiunala u il furmatur professiunal.

Il cumenzament vegn surdà in login per manaschi d'emprendissadi. Utilisadras supplementaras ed utilisaders supplementars pon vegnir registrads pli tard.

Manaschis affiliads

Manaschis d'emprendissadi cun plirs lieus (filialas) han la pussaivladad d'avair access a tut ils manaschis affiliads cun in sulet login. Questa gruppaziun sto vegnir fatga ordavant da l'uffizi per la furmaziun professiunala.

Manaschis d'emprendissadi che vulan duvrar questa funcziun, s'annunzian per plaschair per telefon tar il portal da support sut il numer +41 81 257 62 00 u per e-mail a portalsupport@afb.gr.ch.

Indicatur da las plazzas d'emprendissadi libras (LENA)

Las mutaziuns da las plazzas d'emprendissadi pon vegnir fatgas directamain sin il portal da la furmaziun professiunala. Las adattaziuns vegnan publitgadas il di suenter sin www.cussegliaziun.ch.

Infurmaziuns

Handbuch Berufsbildungsportal (Übersetzung folgt in Kürze)

Handbuch Login und Benutzerverwaltung (Übersetzung folgt in Kürze)