Zum Seiteninhalt

Stipendi d'atelier Vienna

Dapi l'onn 2013 maina il chantun Grischun al Bauernmarkt 9 a Vienna, en proxima vischinanza dal dom da s. Steffan, in atelier d'abitar (2,5 stanzas, 65 m2). Ils stipendis d'atelier duain gidar a profilar las prestaziuns artisticas.

 La dimora a Vienna dura per regla mintgamai 5 mais (dal 1. da favrer fin ils 30 da zercladur / dal 1. d'avust fin ils 31 da december). Il chantun Grischun metta a disposiziun gratuitamain l'atelier d'abitar e paja in supplement mensil da 2 000 francs vi dals custs da viver.

Da candidar èn envidads artistas professiunalas ed artists professiunals che

  • han lur domicil en il chantun Grischun;
  • ch'en colliads stretgamain cun il chantun Grischun u cun la cultura grischuna.

Las annunzias èn pussaivlas per tut las spartas e n'èn betg liadas a la vegliadetgna.

La publicaziun davart ils stipendis d'atelier vegn fatga per regla il favrer per l'onn proxim; il termin d'annunzia è mintgamai la mez avrigl da l'onn current.

S'annunziar danovamain pon ins il pli baud il terz onn suenter avair survegnì in stipendi d'atelier. Ina dimora vegn surdada maximalmain trais giadas a la medema persuna.

Termin d'annunzia per l'atelier a Vienna 2020: venderdi, ils 7 da zercladur 2019 (data dal bul postal)