Il chantun Grischun lantscha en il rom da l'instrument da promoziun "Scola e cultura" ina concurrenza ed envida las scolas dal Grischun d'inoltrar projects d'art e da cultura realisads.

Il dretg da far part han las scolas dal Grischun dals suandants stgalims: scolina, 1. fin 9. classa, gimnasis inferiurs, scolas privatas (per las partiziuns dal temp da scola obligatoric). Las lavurs dastgan cumpigliar pliras classas u plirs stgalims e ston avair in connex cun la scola. Ils premis vegnan surdads a projects realisads e terminads (onns da scola 15/16, 16/17).

Avais Vus sco persuna d'instrucziun sviluppà e realisà in tal project cun Vossas scolaras e Voss scolars? Alura ans tramettai Vossa documentaziun dal project (incl. formular d'annunzia) ed As annunziai per ina da las trais distincziuns.

Tut las inoltraziuns vegnan onuradas cun 500 francs sco contribuziun als custs dal project. Ils projects distinguids vegnan onurads cun in premi finanzial: 1. premi 3 000 francs, 2. premi 2 000 francs, 3. premi 1 000 francs.

Vus As pudais annunziar fin venderdi, ils 27 d'october 2017 (data dal bul postal).