Zum Seiteninhalt

Valitaziun da las cumpetenzas el rom englais en la 2. classa dal stgalim secundar I

Dapi l’onn da scola 2012/13 vegn instruì davent da la 5. classa primara englais sco segunda lingua estra. Cun l'onn da scola 2016/17 è la fasa introductiva ida a fin. Sin incumbensa dal Departament d’educaziun cultura e protecziun da l’ambient ha l'inspecturat da scola valità ensemen cun l’institut per evaluaziun da furmaziun da l’universitad da Turitg las cumpetenzas en il rom englais en la 2. classa dal stgalim secundar I.

Las suandantas finamiras èn stadas davantvart:

  • Descriver las cumpetenzas d’englais suenter radund quatter onns instrucziun, cun la finamira dad obtegnair savida per diriger l’instrucziun d’englais en il futur
  • Sensibilisar las scolas per in svilup da l’instrucziun che sa basa sin datas solidas entras rapportar ils resultats da las cumpetenzas da las scolaras e dals scolars

En connex cun la valitaziun da las cumpetenzas èn las prestaziuns da las scolaras e dals scolars vegnidas tschiffadas en ils 5 secturs da cumpetenza tadlar, leger, discurrer, scriver e lingua el focus (grammatica). Ils trais secturs tadlar, leger e lingua el focus (grammatica) èn vegnids tschiffads cun il computer, ils auters secturs a moda convenziunala sin palpiri. Las valitaziuns succedan extern entras l'institut per evaluaziun da furmaziun. Las cumpetenzas da discurrer èn vegnidas tschiffadas e valitadas entras las persunas d’instrucziun cumpigliadas tenor in proceder standardisà.

La valitaziun da las cumpetenzas ha gì lieu il matg e zercladur 2017. Ils rapports dals resultats a las persunas d’instrucziun pertutgadas èn suandads l’atun 2017. In rapport chantunal è uss avant maun. Sin fundament dals resultats po l’instrucziun dad englais en il chantun grischun vegnida valitada sco reussida. La pluralitad da las scolas e dals scolars cuntanschan las finamiras dal plan d’instrucziun.

Documents