Zum Seiteninhalt

Concordat da la pedagogia speziala

L'onn 2009 èn la regenza e la cumissiun per furmaziun e cultura (CFC) s'occupadas da la participaziun dal chantun Grischun a la cunvegna interchantunala davart la collavuraziun en il sectur da la pedagogia speziala (concordat da la pedagogia speziala). Formalmain sa chatta il project tar la CFC. Ella decida davart il termin per ils proxims pass.

La cunvegna stat en connex cun la nova concepziun da la gulivaziun da finanzas e da la repartiziun da las incumbensas tranter la confederaziun ed ils chantuns (NGF). Cun la NGF è la responsabladad per la scolaziun speziala vegnida transferida l'onn 2008 sin ils chantuns.

La cunvegna fixescha la purschida da basa per uffants e per giuvenils cun basegns da furmaziun spezials. En quest connex èsi central da promover en la scola regulara l'integraziun dals uffants e dals giuvenils pertutgads. Tar las purschidas tutgan la cussegliaziun ed il sustegn, l'educaziun prescolara pedagogic-curativa, la logopedia, la terapia da psicomotorica e mesiras rinforzadas. Da nov vegnan er applitgads ils suandants instruments e las suandantas proceduras: "terminologia unifitgada", "standards da qualitad", "procedura da scleriment standardisada per eruir ils basegns individuals".

Documents