Zum Seiteninhalt

Project da la Swisscom "Scolas en l'internet"

Cun l'iniziativa "scolas en l'internet" sustegna la Swisscom dapi l'onn 2001 il sistem da furmaziun da la Svizra. La Swisscom metta a disposiziun gratuitamain in access a l'internet a bindel lad per tut las scolas dal stgalim primar e superiur (stgalim secundar I e II). Plinavant paja la Swisscom la gronda part dals custs d'installaziun e tut las taxas. Las scolaras ed ils scolars sco er las persunas d'instrucziun pon far diever illimitadamain e da tut temp da questa purschida.

En il rom da questa acziun da sponsoring han gia passa 160 scolas grischunas da tut ils stgalims survegnì in access gratuit da gronda prestaziun a l'internet. Igl è anc adina pussaivel da s'annunziar per quest project.

Infurmaziuns survegnis Vus er sin la pagina d'internet da la Swisscom.

Remartga: En il chantun Grischun porschan er societads d'internet localas a las scolas in access pli favuraivel a l'internet.