Dapi l'onn 2017 s'engascha graubündenSport pli e pli d'extender las purschidas da trenament per umans cun impediments. La finamira principala è quella da promover che las uniuns da sport existentas s'avrian e concepeschian purschidas da trenament adattadas. En collavuraziun cun Special Olympics Switzerland vegn manà in post da coordinaziun per il sport cun umans cun impediments.

Ultra d'extender la purschida da sport ha quest post da coordinaziun las ulteriuras incumbensas:

• assister e cussegliar uniuns da sport a concepir lur purschida per umans cun impediments
• accumpagnar trenadras e trenaders sco er cussegliar areguard la scolaziun e la furmaziun supplementara
• cussegliar, infurmar e colliar en ina rait las famiglias pertutgadas
• collavurar cun scolas e cun instituziuns per umans cun impediments
• iniziar concurrenzas

Persuna da contact è Martina Gäumann, coordinatura regiunala da Special Olympics Switzerland, gaeumann@specialolympics.ch