Navigation

Inhaltsbereich

Il chantun Grischun sustegna las uniuns e las federaziuns da sport er durant la segunda unda da la pandemia. Las mesiras per limitar la derasaziun da COVID-19 han sfurzà ina retscha d'activitads d'uniun e da concurrenzas da sport da far ina pausa e restrenschì uschia fermamain la vita economica e sociala da las differentas organisaziuns da sport en il Grischun. Per tegnair en vita las structuras da sport en spezial per la generaziun giuvna en il chantun Grischun e per dar ad ella nov schlantsch metta la Regenza a disposiziun ulteriurs agids finanzials en l'autezza da 3 milliuns francs.

Las premissas per quest sustegn èn decleradas en il "Fegl d'infurmaziun davart l'agid finanzial COVID-19 sport". Organisaziuns da sport che adempleschan questas premissas han il dretg d'inoltrar ina dumonda.

Per eventualas dumondas As stain nus gugent a disposiziun sut beat.tschaler@avs.gr.ch u sut 081 257 27 56.

Las dumondas da contribuziuns per in agid finanzial COVID-19 sport ston vegnir inoltradas fin il pli tard ils 31 d'october 2021.

Agids finanzials federals per il sport

Indemnisaziun per lavur reducida

Las infurmaziuns per dumandar las indemnisaziuns per lavur reducida chattais Vus qua.

Occurrenzas da sport en il Grischun

Contribuziuns per occurrenzas da sport che han stuì vegnir annulladas pervia dal coronavirus vegnan tractadas en moda generusa. Ad occurrenzas da sport en il Grischun, a las qualas era vegnida concedida ina contribuziun dal fond da sport e che na pon betg vegnir realisadas pervia dal coronavirus, po tuttina vegnir pajada ina contribuziun. L'autezza da la contribuziun effectiva sa drizza tenor ils custs ch'èn resultads fin al mument da l'annullaziun e correspunda maximalmain a la contribuziun chantunala concedida.

Purschiders da sport commerzials

Infurmaziuns per interpresas ch'èn vegnidas pertutgadas spezialmain ferm da las mesiras uffizialas per cumbatter cunter COVID-19 (cas da direzza) èn disponiblas qua.

Chaussas cumplementaras / utilas