Il parc da moviment è in nov concept progressiv d'in percurs da fitness en la libra natira. Ponderaziuns dal sport e dal trenament gidan a sviluppar ina concepziun da staziuns attractivas da pliras dimensiuns che envidan e che motiveschan da sa mover en la natira.

Il chantun gida las vischnancas ad optimar u a renovar lur spazis per sa mover. Il chantun metta a disposiziun ina persuna dal fatg per l'emprima cussegliaziun. Questa cussegliaziun cumpiglia – ultra d'ina inspecziun al lieu – in concept general cun maletgs da referenza, in'emprima stimaziun approximativa dals custs e recumandaziuns per l'ulteriur proceder. Persunas interessadas emplainan per plaschair il Commitment – Parc da moviment.

Fin la fin da l'onn 2023 po la construcziun d'in parc da moviment vegnir sustegnida cun ina contribuziun da 20% dals custs, maximalmain 20 000 francs, or dal fond da sport.

Ulteriuras infurmaziuns chattais Vus sin la pagina d'internet davart il Parc da moviment.