Navigaziun principala

Cuntegn da la pagina

Stabiliments ed edifizis da sport

Avant che Vus emplenis il formular da dumonda online, As supplitgain nus da preparar ils suandants documents:

  • cumpilaziun dals custs cun offertas e plan da finanziaziun incl. contribuziuns dal maun public e d'organisaziuns turisticas (en furma electronica);
  • quint economic, bilantscha e rapport da revisiun dals ultims 2 onns (en furma electronica);
  • indicaziuns davart atgnas prestaziuns da la petenta u dal petent (las uras da lavur dals commembers da l'uniun pon vegnir messas a quint cun 20 francs) (en furma electronica);
  • extract dal register funsil (sch'ils stabiliments èn en proprietad da l'organisaziun da sport petenta) (en furma electronica);
  • contract da dretg da construcziun cun in eventual extract dal register funsil (sch'il stabiliment vegn construì en dretg da construcziun) (en furma electronica);
  • mussament da la durada d'utilisaziun d'almain 10 onns cun ina posiziun privilegiada per l'organisaziun da sport petenta (en cas da contribuziuns d'investiziun per stabiliments e per edifizis da sport da terzas parts) (en furma electronica);
  • ulteriurs documents: p.ex. plans u fotografias dal stabiliment (en furma electronica);
  • indicaziuns davart il conto sco registradas tar la banca/posta.

Plinavant As rendain nus attent che las directivas concernent contribuziuns per stabiliments e per edifizis da sport ston vegnir observadas en mintga cas. Tenor l'art. 7c dastga vegnir cumenzà a construir ils stabiliments da sport pir suenter avair obtegnì la garanzia da contribuziun.

Vinavant al formular online