Occurrenzas da sport, stabiliments da sport e projects che vegnan sustegnids cun daners da la finanziaziun speziala Sport èn obligads – tenor la disposiziun dal departament u tenor il conclus da la Regenza – da duvrar en lur communicaziun en moda adequata las marcas graubündenSport e Swisslos.
Cun il suandant formular d'empustaziun pudais Vus empustar material da promoziun, cun il qual Vus pudais preschentar omaduas marcas.
Formular per empustar material da promoziun

Inserats e logos per broschuras d'occurrenzas, per placats u per paginas d'internet

Las marcas graubündenSport e Swisslos han logos ed inserats che pon vegnir duvrads en broschuras d'occurrenzas, en guids da festa, en carnets dal club, sin paginas d'internet e.u.v.

Tut ils logos pon vegnir chargiads giu sco datotecas da png ed ils inserats sco datotecas da jpg da las survistas qua sutvart. Tgi che giavischa auters formats cun ina dissoluziun pli gronda, po empustar quels sut sport@avs.gr.ch. Nus pudain er metter a disposiziun ils logos en il format eps ed ils inserats sco pdf.

Logos da graubündenSport e da Swisslos en il format PNG 

Cliccar sin la survista «logo» ed alura sin il logo giavischà. Silsuenter pudais Vus arcunar la datoteca sin Voss computer.

  

Inserats da graubündenSport e da Swisslos en il format JPG

Ils inserats èn avant maun en differents formats: A4, A5 ed A6. En las suandantas survistas pudais Vus chargiar giu l'inserat giavischà.
Cliccar sin la «survista inserats» ed alura sin il logo giavischà. Silsuenter pudais Vus arcunar la datoteca sin Voss computer.

Duvrai per plaschair mo quests logos ed inserats per preschentar las marcas «graubündenSport» e «Swisslos».
Per il diever dals logos a lunga vista, p.ex. sin vestgadira d'uniun, sin reclamas montadas a la banda e.u.v. sto en mintga cas vegnir dumandà in bun per stampa.Webbanner Download sin la survista "inserats".

Banner da reclama

Blatgas da reclama pon vegnir retratgs tar graubündenSport, Quaderstrasse 17, 7001 Cuira.
Nus supplitgain dentant d'As annunziar ordavant (vesair er qua survart il formular per empustar material da promoziun).

 

 

Portal da suflar si

Per occurrenzas spezialas As mettain nus gugent a disposiziun noss portal da suflar si.
Dimensiuns: 8 m lad e 6 m aut / indriz electric da 230 V sto esser avant maun (vesair er qua survart il formular per empustar material da promoziun).

 

Communicaziuns tras l'autpledader al lieu d'occurrenza

Per talas communicaziuns As supplitgain nus da duvrar las suandantas parolas:• «Cun nossas cumpetenzas a tia passiun. Sco center da cumpetenzas sustegna graubündaSport cun blera passiun projects ed activitads en il sectur da la promoziun dal sport en il chantun.»• «graubündenSport promoziun chantunala dal sport» • «Cumprai lottarias da Sporttip! – e sustegnai uschia il sport grischun!»