Zum Seiteninhalt

Giuventetgna+Sport

G+S è l'ovra naziunala da la confederaziun per promover il sport d'uffants e da giuvenils da 5 fin 20 onns. G+S sa stenta da far en il sport ina lavur cun giuvenils che ha in'auta qualitad. Manadras e manaders che vegnan tschernids cun quità e ch'èn scolads bain concepeschan en lur disciplina da sport purschidas attractivas che tegnan quint da la vegliadetgna da las participantas e dals participants.

La furmaziun dal cader è la pitga principala da G+S. A las manadras ed als manaders vegn purschida ina scolaziun ed ina furmaziun supplementara che s'orientescha uschè bain sco pussaivel als basegns. Pir cun engaschar manadras e manaders scolads per lur purschidas da sport pon las uniuns da sport, las scolas e las associaziuns da giuvenils profitar da contribuziuns da G+S.