Zum Seiteninhalt

il sport per persunas creschidas, esa

Cun esa, il sport per persunas creschidas en Svizra, s'engascha l'uffizi federal da sport UFSPO per dapli sport e per dapli moviment da la populaziun creschida. esa promova e coordinescha purschidas da sport existentas e stgaffescha relaziuns optimalas per ulteriuras purschidas.

Per tegnair quint dals differents basegns da las persunas creschidas sustegna esa purschidas da moviment e da sport tant en conturns privats sco er en conturns professiunals. esa unescha sut in tetg purschidas e scolaziuns da sport d'organisaziuns senza profit (uniuns, fundaziuns e.u.v.), da purschidras e da purschiders da sport commerzials sco er da talas da patrunas e da patruns (sport en il manaschi).

L'UFSPO e grischun sport s'engaschan per ina promoziun dal sport per vita duranta. Entant che la furmaziun da sport per uffants e per giuvenils vegn promovida da giuventetgna e sport G+S, stgaffescha esa las premissas idealas per purschidas da moviment e da sport che han in bun effect per la sanadad da persunas creschidas a partir da 20 onns.