Scolas da talents pussibiliteschan a scolaras ed a scolars dal stgalim secundar I (scola reala e secundara) che han talents en ina disciplina da sport da frequentar la scola cun in urari ch'è adattà a las concurrenzas ed als trenaments. El cuntegna il trenament polisportiv sco promoziun supplementara al trenament en las uniuns. Las singulas sequenzas da trenament han adina lieu en cunvegnientscha cun ils partenaris da sport per coordinar uschè bain sco pussaivel la scola, la regeneraziun ed ils basegns specifics da la disciplina da sport.

Ina scola da talents dispona d'ina coordinatura u d'in coordinatur che planisescha e che coordinescha la collavuraziun tranter ils talents giuvens, ils geniturs, la scola e las uniuns.

En ils ateliers d'emprender pon las scolaras ed ils scolars elavurar cuntegns ch'els han manchentà en scola u ch'els n'han betg chapì, far lur lezias u lur pensums, cumpensar lecziuns, sa preparar per examens a scolas da cuntinuaziun e cun agid da las persunas d'instrucziun sa preparar per il mund professiunal resp. tschertgar in emprendissadi.

Examen d'admissiun a las classas da talents

Infurmaziuns davart l'examen d'admissiun a las classas da talents chattais Vus qua.