Zum Seiteninhalt

Formular da dumonda per stipendis

Dumondas da stipendis ston vegnir inoltradas entaifer 3 mais suenter che la scolaziun resp. l'onn da scola ha cumenzà. Dumondas che vegnan inoltradas cun retard vegnan calculadas pro rata temporis. Il temp, per il qual i pon vegnir pajads stipendis, sto importar almain 3 mais. Stipendis ston vegnir dumandads da nov per mintga onn da scolaziun e na pon vegnir concedids ni en moda retroactiva ni ordavant.

Dapi il december 2013 stat il formular da dumonda per stipendis basà sin il web a disposiziun sin il «Portal per stipendis». Tut las persunas petentas vegnan supplitgadas da duvrar quest formular da dumonda. Per mintga persuna en scolaziun, per la quala vulessan vegnir dumandads stipendis, sto vegnir avert in conto separà resp. sto vegnir fatg in login separà.

Per login po vegnir registrada mo ina dumonda da stipendis per persuna e per onn da scolaziun.

Portal per stipendis

Jau hai in conto sin il «portal per stipendis»:

→ Vinavant a la pagina da login

Jau n'hai NAGIN conto sin il «portal per stipendis» e vuless far in tal:

→ far in conto cun in'adressa dad e-mail valaivla e cun in pled-clav

UBAIN

→ far in conto cun in'adressa dad e-mail valaivla e cun SuisseID (Tge è SuisseID ?)

In'adressa dad e-mail resp. ina SuisseID ed in numer da l'assicuranza sociala (nr. AVS) pon vegnir registrads mo ina giada resp. assegnads mo ad in conto. Il medem numer da l'assicuranza sociala (nr. AVS) e/u la medema adressa dad e-mail resp. la medema SuisseID na pon betg vegnir duvrads per pliras persunas en scolaziun resp. per plirs contos.


Ulteriuras infurmaziuns impurtantas tar la procedura d'endataziun d'ina dumonda da stipendis:



  • Avant il cumenzament da la scolaziun resp. da l'onn da scola na pon vegnir inoltradas naginas dumondas.
  • La dumonda da stipendis è pir inoltrada, suenter che la dumonda da stipendis è vegnida tramessa per posta – ensemen cun la glista da las agiuntas e cun las agiuntas – al servetsch per stipendis.
  • Per ina dumonda da stipendis sto il termin d'inoltraziun vegnir observà en mintga cas (decisiv è il bul postal).
  • Sch'i n'èn betg avant maun tut ils documents necessaris per inoltrar la dumonda da stipendis, sto ella tuttina vegnir inoltrada entaifer il termin.
  • La cumprova che la dumonda da stipendis saja vegnida inoltrada entaifer il termin fixà sto vegnir furnida da la persuna petenta resp. da la persuna en scolaziun.

Calculatur da stipendis

Calculatur da stipendis

Video: Stipendis ed emprests da daners