Project IPM en la Val dal Rain grischuna (2010-2014)
Ha noss manaschi structuras favuraivlas per famiglias? Tge faschain nus bain? Tge pudain nus meglierar? Co dumagnain nus quai? 9 manaschis da la Val dal Rain grischuna èn sa tschentads questas dumondas ed èn sa participads a noss project da pilot "IPM en acziun: structuras favuraivlas per famiglias sco factur da success".
Il post da stab per l'egualitad da las schanzas ha manà tras – ensemen cun il Center UND – in project da pilot per meglierar questa cumpatibilitad en las IPM dal Grischun. La finamira è quella da laschar profitar las IPM localas da las experientschas da blers onns d'autras firmas e d'autras regiuns e da crear ina conscienza per ils aspects economics positivs da cundiziuns da lavur favuraivlas per famiglias.
9 IPM dal Grischun da differentas branschas cun circa 700 collavuraturas e collavuraturs han survegnì l'occasiun d'analisar e da valitar – cun in sustegn professiunal – lur cundiziuns da lavur areguard la favuraivlezza per famiglias, sco er da sviluppar e da realisar novas mesiras individualas.
En discurs a la maisa radunda han las IPM participadas pudì sa colliar ina cun l'autra, barattar lur experientschas e survegnir ulteriurs impuls per realisar concretamain cundiziuns da lavur favuraivlas per famiglias.
Las 9 IPM participadas han realisà ensemen cun success 20 mesiras singulas en lur manaschis ed han stgaffì uschia basas impurtantas per relaziuns da lavur favuraivlas per famiglias.
Kurzporträts der KMU
Quest project è vegnì accumpagnà d'in cussegl consultativ cun persunas da l'economia e da la politica.
Beirat
Interpresas participadas
Persistenza
Suenter ch'il project è stà terminà èn las IPM participadas vegnidas visitadas dal Center UND e mintga IPM ha survegnì in rapport da cuntinuaziun che descriveva l'ulteriur svilup. Quest rapport cumpiglia ils effects che las mesiras realisadas han obtegnì. Las experientschas ch'èn vegnidas fatgas cun quest project han provocà in project successiv en las regiuns (link tar il project), ch'è vegnì lantschà l'onn 2015.
Medienbeiträge
Finanziaziun
Il project è vegnì finanzià dal chantun Grischun e da la confederaziun cun agids finanzials tenor la lescha d'egualitad ed è vegnì sponsurà da l'uffizi per economia e turissem sco er da la banca chantunala grischuna.