Co pudain nus rinforzar nossa regiun e nossa plazza economica? Co augmentar nossa attractivitad, per che famiglias na sa tirian betg davent? Co profitar dal potenzial da dunnas bain scoladas? Co mantegnair expertas ed experts e chattar novs? Co tractain nus las pretensiuns socialas envers la cumpatibilitad da la professiun cun la famiglia?
9 IPM da las regiuns Grischun central, Viamala e Surselva cun circa 600 collavuraturas e collavuraturs han acceptà questas sfidas a favur d'ina regiun pli attractiva ed èn sa participadas al project IPM "Structuras favuraivlas per famiglias sco factur da success en las regiuns".
Kurzporträts der KMU
Las IPM èn vegnidas cussegliadas ed accumpagnadas professiunalmain dal Center UND:
- Mintga manaschi vegn controllà, sch'el ha structuras favuraivlas per famiglias.
- Mintga manaschi survegn in rapport cun recumandaziuns fatgas sin mesira davart il basegn da meglieraziun e davart las pussaivladads ed ils instruments da realisaziun.
- Mintga manaschi fa in plan da mesiras per sasez e realisescha quel.
- Las IPM vegnan colliadas tras discurs a la maisa radunda e barattan ideas.
- Ils resultats vegnan analisads ensemen cun ils manaschis e constatads en rapports da cuntinuaziun.
Las 9 IPM participadas han realisà durant il temp dal project 20 mesiras singulas.
En collavuraziun cun las IPM participadas al project da pilot Val dal Rain ed al project regio è resultada per l'emprima giada ina broschura davart IPM cun structuras favuraivlas per famiglias en il Grischun.
Familienfreundliches Graubünden, 2017
Interpresas participadas
Colliaziun
Sco novs partenaris da project han ins pudì acquistar ils posts da svilup regiunal Alvra, Surselva e Viamala.
Da nov avain nus er pudì quintar cun ambassaduras ed ambassadurs regiunals da l'economia, da la cultura e da la politica.
Finanziaziun
Il project è vegnì finanzià dal chantun Grischun, da las regiuns Surselva e Viamala e da la confederaziun cun agids finanzials tenor la lescha d'egualitad ed è vegnì sponsurà da l'uffizi per economia e turissem.