Ils models da gudogn e da famiglia èn suttamess ad ina midada permanenta ed èn daventads pli multifars. La cumpatibilitad tranter la professiun e la famiglia correspunda ad in basegn creschent en il mund da lavur. Structuras favuraivlas per famiglias sa pajan per interpresas, per famiglias e per nossa societad.

La dunna è principalmain chasarina, l'um nutrider. La Svizra ed il Grischun èn anc adina attatgads al model da famiglia classic. Er sche la part da las mammas cun activitad da gudogn è s'augmentada dapi l'onn 1992 da 53 sin 77 % (CH), è – cunzunt cun pensums parzials – sa midà mo pauc vi da las structuras sin il martgà da lavur ed er vi da la repartiziun da la lavur en la famiglia.

- Trais quarts da las dunnas che vivan en chasadas d'in pèr cun uffants sut 15 onns da vegliadetgna, surpiglian sulettas la responsabladad principala per il tegnairchasa.
- En il Grischun na lavura in terz da tut las mammas cun uffants pitschens betg, en Svizra circa in quart.

A lunga vista profitan dentant ils geniturs, sch'els s'occupan colleghialmain da la tgira d'uffants resp. sch'els restan tuts dus en la professiun.

La ballantscha tranter activitad da gudogn e lavur da famiglia vegn impedida tras
- aspectativas da rolla tradiziunalas
- cundiziuns da lavur nunflexiblas
- inegualitad da las pajas
- autas tariffas per la tgira d'uffants
- cundiziuns generalas da taglia disfavuraivlas

Tge faschain nus

La cumpatibilitad da la professiun cun la famiglia è in tema impurtant da l'egualitad. Nus ans engaschain per che las famiglias concepeschian en moda colleghiala lur mintgadi e possian eleger lur model da famiglia e da gudogn senza structuras constrictivas e senza rollas tradiziunalas.

Per rinforzar las structuras favuraivlas per famiglias en nossas interpresas pitschnas e mesaunas (IPM), ha il post da stab per l'egualitad da las schanzas lantschà l'onn 2010 in program d'acziun che permetta ad IPM grischunas d'examinar e da meglierar lur structuras favuraivlas per famiglias.

Dapli davart il tema 

Familienfreundliches Graubünden 2.0, Vereinbarkeit von Beruf und Privatleben in der Praxis kleinerer und mittlerer Unternehmen, Broschüre 2021

Online Veranstaltung, Vereinbarkeit von Beruf und Privatleben in der Praxis von KMU in Graubünden, Video, 2021

Gemeinsam Regie führen: Broschüren und Anregungen für Paare und Familien

Fairplay! Informationen und praktische Tipps zu Teilzeitmodellen für Väter

KMU-Handbuch Beruf und Familie