En Svizra prestan las dunnas ed ils umens blera lavur voluntara. Ma els na fan quai betg en ils medems secturs.

• 20 % da las dunnas e 26 % dals umens s'engaschan en la lavur voluntara instituziunalisada (uffizis politics, lavur en uniuns da sport, da cultura e d'interess).
• 25 % da las dunnas e 15 % dals umens s'engaschan en la lavur voluntara informala. Els tgiran ed assistan uffants e creschids da parents ed enconuschents u liquideschan autras lavurs en furma da servetschs envers amis u vischins.

Impuls da reflexiun per interpresas

Las activitads en uffizi d'onur èn impurtantas per nossa societad. La lavur voluntara instituziunalisada (pratitgada pli savens dad umens che da dunnas) vegn plitost renconuschida d'interpresas sco experientscha utila e vegn onurada correspundentamain cun la paja. Ils engaschaments en il sectur informal (qua lavuran dapli dunnas che umens) vegnan bain appreziads sco extensiun da las cumpetenzas, ma na vegnan percunter strusch renconuschids en il context professiunal.

Tras las lavurs onuraras acquistan dunnas ed umens cumpetenzas multifaras, da las qualas els pon profitar er en lur mintgadi da lavur. Sche – a chaschun da la tscherna dal persunal ed en il discurs cun la collavuratura u il collavuratur – las interpresas considereschan conscientamain l'equivalenza da questas cumpetenzas cardinalas acquistadas en il sectur extraprofessiunal, gidan ellas considerablamain a cuntanscher l'egualitad da las schanzas da dunnas ed umens en la professiun ed en la vita privata.

Tge faschain nus

Il post spezialisà per l'egualitad da las schanzas s'engascha per ina renconuschientscha e repartiziun gista da la lavur pajada e da la lavur betg pajada tranter umens e dunnas.

Dapli davart il tema

Studie zur ehrenamtlichen Tätigkeit von Bündner Frauenorganisationen. 2008

Freiwilliges Engagement in der Schweiz 2013/2014

Statistik BFS zur Freiwilligenarbeit