Situaziun da partenza
Egualitad da las pajas, cumpatibilitad da la professiun cun la vita privata, cultura multifara dal manaschi: interpresas ed instituziuns pon contribuir bler per l'egualitad. Cun «egual21» realisescha l'administraziun chantunala il plan d'acziun da l'egualitad ch'è vegnì acceptà l'onn 2019 dal Cussegl grond e vegnì dà en incumbensa l'onn 2020 da la Regenza. Il project dura 4 onns. El vegn manà dal Post da stab per l'egualitad da las schanzas e realisà en collavuraziun cun l'Uffizi da persunal.
Porscher las medemas schanzas malgrà differents basegns, quai è la finamira d'egual21.
Anc adina n'è l'egualitad da las schanzas tranter dunna ed um betg dada en intgins secturs e potenzials existents na vegnan betg exaurids, tant sin plaun naziunal sco er en il chantun Grischun. La promoziun da l'egualitad e da l'egualitad da las schanzas en tut ils secturs da la vita è ina incumbensa interdisciplinara e directiva e po avair success mo, sch'ella vegn prendida per mauns en moda cumplessiva.
Per la Regenza è in plan d'acziun cun strategias e cun mesiras concretas in instrument adattà per meglierar tranter auter la cumpatibilitad da la professiun cun la famiglia, per far frunt a la mancanza da persunas spezialisadas e per posiziunar il chantun sco patrun modern ed attractiv.
Perquai elavura la Regenza grischuna in plan d'acziun concernent l'egualitad per l'administraziun chantunala. Ella planisescha in proceder en quatter fasas:
Per survegnir in maletg cumplessiv da la situaziun d'egualitad actuala en l'administraziun chantunala sto vegnir fatga ina inventarisaziun en ils departaments resp. en lur uffizis sco er en la Chanzlia chantunala.
Per ch'il plan d'acziun haja ina basa uschè vasta sco pussaivel en l'administraziun chantunala, sto vegnir installada ina gruppa da lavur interdepartamentala. Sin basa da l'inventarisaziun duai quella formular accents e definir finamiras.
Realisaziun da las mesiras en ils departaments ed en la Chanzlia chantunala.
Communicaziun a las medias
RTR
Telesguard dals, ab 4:10; 4.05.2022
Egual21: Chantun vul meglierar la situaziun d'egualitad; 4.05.2022
SRF: Regionaljournal Graubünden; ab 1:40; 4.05.2022
RSI: Grigioni sera; 4.05.2022
TV Südostschweiz: Kanton stellt Weichen für Gleichstellung; 4.05.2022
Radio Südostschweiz: Infomagazin, ab 17:15; 4.05.2022
Nau.ch: Kanton Graubünden als Arbeitgeber für Mütter unattraktiv; 4.05.2022
Bündner Tagblatt: Gleichstellung am Arbeitsplatz ist noch Wunschvorstellung; 5.05.2022
laRegione: Pari opportunità, Canton Grigioni poco attrattivo per le madri, 5.05.2022
Persunas da referenza
- Cusseglier guvernativ Dr. Jon Domenic Parolini, schef dal departament d'educaziun, cultura e protecziun da l'ambient, Tel. +41 81 257 27 01, Jondomenic.Parolini@ekud.gr.ch
- Barbara Wülser, directura Post da stab per l'egualitad da las schanzas per dunnas ed umens,
Tel. +41 81 257 35 71, Barbara.Wuelser@stagl.gr.ch
- Fernando Guntern, directur uffizi da persunal, Tel. +41 81 257 32 24; Fernando.Guntern@pa.gr.ch