Navigation

Inhaltsbereich

L'egualitad da las schlattainas è fixada en in grond dumber da convenziuns internaziunalas ch'èn vegnidas ratifitgadas er da la Svizra. Per exempel ils Patgs da la ONU davart ils dretgs umans, la Convenziun europeica dals dretgs umans e differentas convenziuns da l'Organisaziun internaziunala da la lavur (OIL).

Quai èn ils instruments internaziunals ils pli impurtants per l'egualitad.

CEDAW

La Convenziun davart l'eliminaziun da tut las furmas da discriminaziun cunter dunnas è vegnida deliberada l'onn 1979 da l'Assamblea generala da las Naziuns Unidas ed è l'unica convenziun internaziunala che tematisescha exclusivamain las dunnas e lur discriminaziun.
La Convenziun è giuridicamain lianta ed oblighescha ils stadis che l'han ratifitgada, da l'observar e da realisar sias disposiziuns. Per la realisaziun èn responsabels ils stadis. Ina giunta examinescha ils progress da realisaziun sa basond sin ils rapports regulars dals stadis e fa recumandaziuns. La Svizra ha ratifitgà la Convenziun CEDAW l'onn 1997.
Ils diesch puncts centrals da la Convenziun èn: discriminaziun, musters da pensar, violenza, politica, furmaziun, lavur, sanadad, vita economica, capacitad giuridica e famiglia.

 

CEDAW kurz erklärt - Videoclip

Broschura «Von der Idee zur Tat – das heisst CEDAW»

CEDAW-Rapport (November 2020)

CEDAW-manual per la pratica giuridica

Convenziun d'Istanbul

La Convenziun dal Cussegl da l'Europa davart la prevenziun ed il cumbat cunter la violenza envers dunnas e la violenza a chasa è l'emprim instrument internaziunal giuridicamain liant, che stgaffescha in rom legal cumplessiv per proteger las dunnas cunter tut las furmas da violenza. La Convenziun applitgescha in mecanissem specific da monitoring („GREVIO”) per garantir ina realisaziun effectiva da sias disposiziuns tras las partidas. La Svizra ha ratifitgà la Convenziun d'Istanbul l'onn 2017.

Fegl d'infurmaziun davart la Convenziun d'Istanbul

Übersichtspublikation

Istanbul-Konvention (EBG)

 

Ulteriuras convenziuns internaziunalas