Al sectur "sustegn da la direcziun" appartegnan las suandantas incumbensas:
Planisaziun e controlling
Il post "planisaziun e controlling" sustegna la regenza en las planisaziuns politicas e procura per il controlling correspundent. Ils instruments da planisaziun ils pli impurtants èn il program da la regenza ed il program annual.
Relaziuns externas e projects
Il post "relaziuns externas e projects" procura che las relaziuns externas dal chantun vegnian tgiradas ed extendidas. El è il post da contact per ils servetschs centrals da la confederaziun e dals chantuns sco er da las regiuns estras vischinas.
Communicaziun
Il servetsch da communicaziun è responsabel per la communicaziun da decisiuns da la regenza. El procura che las decisiuns da la regenza vegnian communitgadas svelt e cumplettamain a la publicitad ed a las medias. Il servetsch da communicaziun sustegna er ils departaments ed ils posts da servetsch ad infurmar las medias e la publicitad.
E-government
Il post "e-government" è responsabel per las paginas d'internet da l'administraziun chantunala e realisescha la strategia dad e-government. Tras portals d'internet unitars ed attractivs porscha el a las burgaisas ed als burgais sco er a las interpresas in access electronic direct e liber a l'administraziun.