Navigation

Inhaltsbereich

Il sectur "servetschs" da la chanzlia chantunala furnescha servetschs impurtants tant per l'administraziun sco er per la populaziun. La chanzlia chantunala è responsabla che las burgaisas e ch'ils burgais possian far diever da lur dretgs politics. In'ulteriura incumbensa da la partiziun "servetschs" è l'ediziun da publicaziuns impurtantas dal chantun, sco il fegl uffizial dal chantun, l'annuari dal chantun Grischun u la collecziun uffiziala da leschas ed il cudesch da dretg grischun.

Al sectur "servetschs" appartegnan las suandantas incumbensas:

Dregts politics e publicaziuns

Il post "dregts politics e publicaziuns" è responsabel per l'ediziun da las publicaziuns dal chantun. El procura er per in andament correct da las votaziuns e da las elecziuns e per la communicaziun dals resultats.
Il servetsch da posta procura che la posta dals posts da servetsch da l'administraziun vegnia spedida a temp ed en moda fidada.

Translaziuns

Il servetsch da translaziuns procura ch'ils documents dal chantun vegnian translatads en las linguas chantunalas uffizialas rumantsch, tudestg e talian. El stat a disposiziun al cussegl grond, a la regenza ed a la chanzlia chantunala sco er a l'ulteriura administraziun chantunala

Stampats e material

La centrala per stampats e material è responsabla per ils stampats da l'administraziun chantunala e procura che quels hajan ina concepziun unitara. Ultra da quai proveda ella l'administraziun chantunala ed autras instituziuns cun material e cun apparats da biro funcziunals. Las empustaziuns pon vegnir fatgas directamain en il negozi d'internet.

Post spezialisà per il princip da transparenza

Il "post spezialisà per il princip da transparenza" cusseglia e sustegna sco post da cumpetenza ils organs publics da l'administraziun chantunala tar l'execuziun da la lescha da transparenza. Ultra da quai è el il post d'infurmaziun per dumondas generalas externas.