Cuntegn da la pagina

Proposta Pfäffli da prender in conclus direct concernent la precisaziun da l'UGCG areguard l'indemnisaziun da las commembras e dals commembers dal cussegl grond (indemnisaziun dal temp da viadi e da las spesas da viadi)

sessiun: 30.08.2013
Tenor l'art. 40 da l'urden da gestiun dal cussegl grond (UGCG) survegnan las commembras ed ils commembers dal cussegl grond supplementarmain a las spesas da viadi ina indemnisaziun dal temp da viadi che ha il medem import.

Sche pliras deputadas e plirs deputads viagian cuminaivlamain cun il tren ad ina sesida, vegnan restituids a mintgina da questas commembras ed a mintgin da quests commembers dal cussegl grond ils custs effectivs dal bigliet ed a medem temp vegn pajada ina indemnisaziun dal temp da viadi che ha il medem import.

Sche las medemas deputadas ed ils medems deputads viagian cun in auto privat a questa sesida, vegnan restituids al manischunz dal vehichel ils custs effectivs dal viadi (indemnisaziun per kilometer) ed a medem temp vegn pajada ina indemnisaziun dal temp da viadi che ha il medem import. Las deputadas ed ils deputads che viagian cun il manischunz na pon betg far valair custs da viadi effectivs en questa cuminanza da viadi. Tenor l'art. 40 al. 2 n'als vegn correspundentamain er betg pajada ina indemnisaziun dal temp da viadi. Questa nunprecisiun en la lescha duai vegnir eliminada tras in nov al. 3 tar l'art. 40 UGCG.

Art. 40 al. 3 UGCG (nov)
Per ils viadis a las sesidas dal cussegl grond vegn pajada a las commembras ed als commembers dal cussegl grond l'indemnisaziun dal temp da viadi er, sch'i na pon betg vegnir fatgas valair spesas da viadi effectivas
.

En quest connex stuess ultra da quai l'art. 41 al. 1 da l'UGCG vegnir cumplettà cun la menziun expressiva da l'indemnisaziun dal temp da viadi.

Art. 41 al. 1 UGCG (nov)
Las commembras ed ils commembers da las cumissiuns dal cussegl grond survegnan per lur preschientscha a sesidas, che n'han betg lieu durant la sessiun, las medemas schurnadas, INDEMNISAZIUNS DA SPESAS ED INDEMNISAZIUNS DAL TEMP DA VIADI sco las commembras ed ils commembers dal cussegl grond durant la sessiun. Las presidentas ed ils presidents da las cumissiuns permanentas survegnan ultra da quai 1000 francs per onn d'uffizi sco supplement presidial
.

Logicamain sto pia vegnir stritgà l'art. 41 al. 3 da l'UGCG ch'è formulà en moda nunprecisa e l'art. 41 al. 4 da l'UGCG daventa da nov art. 41 al. 3 da l'UGCG.

Cuira, ils 31 d'avust 2013

Pfäffli, Darms-Landolt, Aebli, Albertin, Barandun, Baselgia-Brunner, Berther (Mustér), Bezzola (Samedan), Bezzola (Zernez), Bondolfi, Brandenburger, Casanova-Maron, Casutt Renatus, Casutt-Derungs Silvia, Clalüna, Claus, Clavadetscher, Davaz, Della Vedova, Engler, Fallet, Fasani, Furrer-Cabalzar, Giacomelli, Grass, Gunzinger, Hartmann (Champfèr), Hartmann (Cuira), Heiz, Hitz-Rusch, Holzinger-Loretz, Jeker, Jenny (Arosa), Kappeler, Kasper, Koch (Tumein), Koch (Igis), Kollegger (Malix), Komminoth-Elmer, Krättli-Lori, Kunz (Fläsch), Kunz (Cuira), Lorez-Meuli, Mani-Heldstab, Märchy-Caduff, Marti, Meyer-Grass, Michael (Donat), Michael (Castasegna), Nick, Noi-Togni, Papa, Parolini, Parpan, Pedrini, Perl, Pfenninger, Pult, Righetti, Rosa, Sax, Steck-Rauch, Stiffler (Cuira), Thöny, Tomaschett (Breil), Tomaschett-Berther (Trun), Trepp, Troncana-Sauer, Vetsch (Pragg-Jenaz), Waidacher, Wieland, Coray, Gugelmann, Jenny-Marugg (Claustra Vitg), Müller (Haldenstein), Patt, Pfister