L'integritad persunala da tut las commembras ed ils commembers dal Cussegl grond è da gronda impurtanza. En la sala dal Cussegl grond vegni debattà e discurrì in cun l'auter cun respect e maniera. Ordaifer las sesidas dal Cussegl grond èn dentant capitads – en il rom da sessiuns – eveniments, che pudessan metter en dumonda l'integritad persunala da singulas commembras e singuls commembers sco er la dignitad dal parlament.

Per dar la paisa necessaria a la protecziun cunter eventualas mulestas, en spezial cunter mulestas sexualas, proponan las sutsegnadras ed ils sutsegnaders, che l'Urden da gestiun dal Cussegl grond vegnia cumplettà correspundentamain. Ina cumissiun predeliberanta duai s'occupar da la fatschenta. Pussaivel èsi dentant er, che la Conferenza da las presidentas e dals presidents surpiglia questa incumbensa.

Claustra, ils 15 da zercladur 2023

Baselgia, Perl, Müller, Atanes, Bachmann, Bardill, Biert, Bischof, Bisculm Jörg, Bleuler-Jenny, Cahenzli-Philipp (Untervaz), Degiacomi, Dietrich, Gartmann-Albin, Gredig, Hoch, Hofmann, Kaiser, Kreiliger, Mazzetta, Peter, Preisig, Rettich, Rusch Nigg, Rutishauser, Walser, Wilhelm