La taglia sin las entradas è caracterisada dal princip constituziunal da l'imposiziun da taglia tenor la capacitad economica (art. 95 al. 1 da la constituziun chantunala, CC). La realisaziun dal princip da la capacitad economica chaschuna en il chantun Grischun ina tariffa progressiva tar la taglia sin las entradas. Sche las entradas suttamessas a la taglia creschan, s'augmentan qua tras er las tariffas da taglia. La capacitad economica vegn pia mesirada en la basa da calculaziun. Las deducziuns che reduceschan la capacitad economica vegnan ultra da quai medemamain deducidas da la basa da calculaziun. Ina deducziun tar l'import da taglia cuntrafa tenor la regenza a la constituziun, perquai ch'ella violescha il princip da la capacitad economica.
L'effect da las deducziuns sa mussa adina tar la tariffa fiscala marginala. Quella in-ditgescha, per quants pertschients che la grevezza fiscala sa mida, sche las entradas suttamessas a la taglia s'augmentan u (sco qua) sa reduceschan per 100.– francs. La tabella qua sutvart mussa ch'i resulta ina gronda grevezza fiscala marginala gia en cas d'entradas pitschnas cunzunt per persunas che vivan sulettas. Quai ha per consequenza che l'effect da las deducziuns è sumegliant en tut ils stgalims da progressiun.
| Entradas suttamessas a la taglia |
Tariffa fiscala marginala |
| conjugals |
persuna che viva suletta |
| 40'000 |
-7.00% |
-9.50% |
| 50'000 |
-8.00% |
-10.30% |
| 75'000 |
-9.50% |
-10.60% |
| 100'000 |
-10.30% |
-10.70% |
| 125'000 |
-10.60% |
-11.20% |
| 150'000 |
-10.60% |
-11.20% |
| 200'000 |
-11.20% |
-11.20% |
| 500'000 |
-11.30% |
-11.60% |
| 1'000'000 |
-11.60% |
-11.00% |
Davart las dumondas concretas prenda la regenza posiziun sco suonda:
1. Per differentas gruppas d'entrada è vegnì eruì l'import da las prestaziuns fiscalas senza las deducziuns tenor la pagina 3 da la decleraziun da taglia. Questas cifras èn vegnidas cumparegliadas cun las prestaziuns fiscalas vertentas. La differenza per pajataglia vegn preschentada en la tabella qua sutvart.
| Entradas nettas (avant la deducziun per uffants) |
Persuna maridada, 2 uffants |
Persuna che viva suletta |
| % |
Fr. |
% |
Fr. |
| 20'000 - 50'000 |
922 |
2‘646 |
99.5 |
752 |
| 50'001 - 75'000 |
221.1 |
4‘230 |
54.8 |
1‘822 |
| 75'001 - 100'000 |
132 |
5‘415 |
47.7 |
2‘595 |
| 100'001 - 150'000 |
87.8 |
6‘475 |
39.8 |
3‘316 |
| 150'001 - 300'000 |
59.8 |
9‘006 |
32.3 |
4‘866 |
| > 300'001 |
24.8 |
12‘733 |
20 |
9‘316 |
2. La reducziun da la grevezza fiscala correspunda a la grevezza fiscala marginala, sco quai ch'ella è vegnida preschentada en l'introducziun.
3. Ina dependenza vicendaivla tranter deducziuns da taglia e progressiun fiscala na datti betg. L'effect da las deducziuns da taglia sa mussa tar la tariffa fiscala mar-ginala.
4. L'imposiziun cumplaina da taglia tar las entradas bruttas tenor la decleraziun da taglia, senza las deducziuns tenor la pagina 3 da la decleraziun da taglia, aug-mentass las entradas fiscalas per 208 milliuns francs. I sto vegnir remartgà che las expensas da las persunas cun activitad da gudogn independenta, ch'ils custs per il mantegniment da las immobiglias sco er che las contribuziuns a la AVS ed a la prevenziun professiunala n'èn betg cuntegnids en quest quint, perquai che questas cifras na vegnan betg registradas en la decleraziun da taglia.
5. Las deducziuns vegnan fatgas valair en la medema dimensiun en tut las cate-gorias d'entrada. Sch'i sa mussa en las actas che deducziuns èn vegnidas em-blidadas, vegnan quellas concedidas d'uffizi. La regenza na vesa nagin basegn d'agir en quest connex.
02 da november 2009