Navigation

Inhaltsbereich

Sessiun: 01.06.2001
Durant ils davos decennis è il territori d'agricultura sa reducì cuntinuantamain, oravant tut en las regiuns da muntogna. Quest fenomen vegn chaschunà da differents facturs, sco per exempel da la refusaziun da la generaziun giuvna da manar vinavant ils manaschis purils sco er dal retard en las proceduras da megliuraziun.
Las examinaziuns ch'ins ha fatg en il Moesano en connex cun la revisiun dal concept da svilup mussan che durant ils davos 20 onns èn tranter 180 e 200 hectaras da terren agricul sa transfurmadas successivamain en guaud.
Or da vista giuridica è l'avanzament dal guaud protegì: La noziun "dinamica" dal guaud en il senn da l'art. 2 da la nova lescha federala davart il guaud dals 4 d'october 1991, entrada en vigur il 1. da schaner 1993, promova indirectamain quest process. Tenor quest princip ston las surfatschas novas creschidas en da guaud vegnir renconuschidas sco guaud ed esser suttamessas a la protecziun da la lescha. Il territori d'agricultura transfurmà daventa alura inevitablamain guaud. Quai vul dir ch'i vegn a duvrar ina permissiun da runcada tenor la LG e la legislaziun correspundenta per pudair recuperar las surfatschas per il diever da l'agricultura. La creschientscha dal guaud transfurma per part fitg spert il caracter da cuntrada da las valladas.
Per promover ina protecziun pli efficazia dals territoris d'agricultura da muntogna dovri ina intervenziun pli ferma da vart dal chantun. Perquai dumandain nus la ludaivla regenza:

1. sch'il tema saja vegnì studegià dals uffizis federals e chantunals cumpetents;
2. sch'i sajan avant maun instruments legals adattads per schliar il problem en la legislaziun federala e chantunala;
3. sch'il chantun haja l'intenziun da decretar ina lescha correspundenta en il rom da la proxima revisiun da la lescha davart la planisaziun dal territori u d'ina autra lescha chantunala, en cas che la resposta a la segunda dumonda è negativa?

Cuira, il 1. da zercladur 2001

Namen: Peretti, Zanolari, Giovannini, Battaglia, Conrad, Dalbert, Giuliani, Gross, Keller, Lardi, Lemm, Locher, Luzio, Märchy, Noi, Plozza, Righetti, Zarro

Session: 01.06.2001
Vorstoss: rg Interpellation


Resposta da la regenza

I constat e vegn confermà da las cifras da l'inventari forestal naziunal ch'il guaud en
il chantun Grischun è s'augmentà tranter 1963 e 1993 per circa 1'350 ha per onn. Quest fenomen da la creschientscha progressiva dal territori da guaud n'è betg dapertut tuttina grond. Entant che la pressiun sin il guaud cuntinuescha constantamain en las regiuns bassas e per lung dals uals en las valladas, spezialmain en ils areals d'abitadis, sa schlargia quel plaunsieu al cunfin superiur dal guaud e sin ils uschenumnads terrens cun utilisaziun limitada. Cun la resposta a l'interpellaziun Beeli (CR nr. 182 dals 9 da favrer 1999) ha la regenza mussà eventualas soluziuns, co ins pudess far frunt a la creschientscha successiva dal guaud.

Tar las dumondas concretas èsi da dir il sequent:

    1. Cun in document da basa dal departament per ambient, traffic, energia e communicaziun (DATEC) ha la confederaziun mess en discussiun ils puncts centrals da la futura politica da guaud. Ins ha prendì conuschientscha da la problematica colliada cun la creschientscha dal guaud. Anc quest onn duai vegnir instituida ina gruppa da lavur che duai tractar l'avanzament dal guaud en ulteriuras surfa-tschas, resp. il model da distribuziun da guaud ch'è er in tema per la politica agrara e da la planificaziun territoriala e che sto vegnir coordinà cun la politica federala da gronds territoris da protecziun. Da vart dal chantun s'occupa er il sboz dal "Plan directiv chantunal 2000" cun il tema "Avanzament dal guaud" sut il puntg da vista da la politica da la planificaziun territoriala. Las surfatschas nuncultivadas che daventan guaud sco consequenza da la sututilisaziun agricula duain pudair vegnir manadas enavos a moda la pli nuncumplitgada pussaivla. Per quest intent vegn ad esser necessaria ina procedura collegiala e coordinada tranter l'agricultura e la selvicultura.

    2. La legislaziun federala e chantunala conuscha in instrument adattà per fermar l'avanzament natiral dal guaud che vala sulettamain per guauds che cunfine schan cun zonas da construcziun (noziun statica dal guaud, art. 10 LG ed art. 13 LfoC). L'introducziun da la noziun statica dal guaud en il territori betg destinà per la construcziun na pudess er betg schliar il problem. Bler pli decisiv èsi - cun u senza cunfin static dal guaud - da garantir e stimular a moda persistenta l'utilisa ziun agricula en il territori da muntogna.

Gia oz vegnan sistematicamain tegnidas libras surfatschas per la pasculaziun u per motivs da la furmaziun da la cuntrada, quai en il rom da zavradas da guaud e pastgira e da projects forestals.

Ultra da quai porschan ils uffizis pertutgads sustegn per in project da pilot che metta en evidenza ils puncts communabels e che prova da realisar soluziuns a moda collegiala.

    3. Per pudair introducir la noziun statica dal guaud correspundentamain al giavisch dals interpellants er visavi territoris agriculs dovri ina revisiun parziala da la le scha federala davart il guaud. Ils chantuns n'han qua nagina cumpetenza resp. nagina libertad d'agir.