Dumonda en scrit concernent ils subsidis dal chantun a l'agricultura
Sessiun: 09.10.2001
En la „Südostschweiz“ dals 6 da fanadur 2001 han ins pudì leger: „Der Kanton Graubünden spricht zwischen 2001 und 2003 Beiträge von 2,5 Millionen Franken an die Cascharia Bever, an die Molkerei Davos, an die Milchgenossenschaft Trun und an den Schlachthof Mittelbünden.”
Argumentaziun: Uschia ademplescha il chantun la nova politica agrara da la confederaziun e procura per bunas cundiziuns da basa e per ina buna infrastructura.
Jau vuless preschentar las suandantas dumondas a la regenza:
1. Quants daners ha il chantun investà fin oz en la chasa da maz dal Grischun central?
2. Vul il chantun er anc investar daners en la chasa da maz dal Grischun suenter l'onn 2003?
Cuira, ils 9 d'october 2001
Name: Stiffler
Session: 09.10.2001
Vorstoss: rg SchriftlicheAnfrage
Resposta da la regenza
Sin fundament da la serrada da la chasa da maz a Cuira l'onn 1998 e dal basegn cumprovà per ina chasa da maz en Tumleastga/Val dal Rain ha construì la „Schlachthof Mittelbünden AG“ ina chasa da maz cun frestgera ed in local per stagliar ad Unterrealta. Ils purtaders da la societad d'aczias sa cumponiva tar la fundaziun l'onn 1998 da mazlers, purs e d'assicuranzas da muvel. Il preventiv da custs muntava a 1.5 milliuns francs. Igl era prevì da surpigliar l'indriz da la chasa da maz da Cuira.
1. A la „Schlachthof Mittelbünden AG“ èsi vegnì pajà ils onns 1998 e 1999 mintgamai ina contribuziun da 150'000 francs. L'onn 2000 han ins constatà ch'ins po surpigliar pli pauc inventari che planisà da la chasa da maz da Cuira, perquai che l'inventari n'era betg pli duvrabel u schizunt betg pli avant maun. Quai ha chaschunà custs supplementars, vi dals quals il chantun è sa participà danovamain cun ina contribuziun da 150'000 francs. Per reducir la cumpart dal chapital ester e per garantir a lunga vista la cumpetitivitad da quest manaschi d'elavuraziun è vegnida concedida tenor conclus da la regenza dals 3 da fanadur 2001 ina contribuziun da sanaziun da totalmain 400'000 francs per sminuir ils custs da chapital da la „Schlachthof Mittelbünden AG“. Da quai èn 200'000 francs gia vegnids pajads l'onn 2001. Enfin oz ha il chantun Grischun investà 650'000 francs en la chasa da maz dal Grischun central.
2. I n'è betg previs d'invenstar daners en la chasa da maz dal Grischun central suenter l'onn 2003.