Navigation

Inhaltsbereich

Interpellaziun concernent il plaz d'ospitals Cuira

Sessiun: 27.03.2002

Il project „Visiun plaz d'ospidals Cuira“, relaschà da la regenza il cumenzament dal 1998, ha ils davos onns adina puspè procurà per discussiuns. El ha agità la glieud, chaschunà custs ed è oz, paucs dis avant il termin da decisiun, dispitaivel.

Ils participads da la regiun d'ospidals da la Val dal Rain grischuna èn bain perina da purtar ensemen in model da cooperaziun che cumpiglia tut ils trais ospitals, cun la finamira da sbassar ils custs che s'accumuleschan.

Dentant la via per cuntanscher la finamira è dispitaivla. La scumpartiziun dals duairs proponida da la COC (Cumissiun d'ospitals communabla) para a prima vista gartegiada.

Ma l'intenziun primara da la cumissiun d'ospitals communabla, da cuntanscher ina prestaziun optimala per il chantun e per la regiun d'ospitals da la Val dal Rain grischuna, dad evitar duplicitads e da trair a niz sinergias en il sectur da la medischina e da l'administraziun resguardond ils aspects da l'economia generala, na para betg vegnida resguardada avunda.

Nus dumandain la regenza da respunder las suandantas dumondas:

1. Tgeninas duplicitads duain vegnir eleminadas, e spargna questa eleminaziun custs?

2. Co è previsa la midada da la nova repartiziun dals duairs?

3. Co succeda suenter la nova repartiziun da las disciplinas la procedura medicinala, spezialmain en cas d'urgenza?

4. Tge mesiras architectonicas èn necessarias en l'ospital da la Crusch ed en l'ospital chantunal?

5. Cun tge custs d'investiziun ston ins quintar?

Cuira, ils 27 da mars 2002

Name: Suter, Hanimann, Marti, Battaglia, Brüesch, Büsser, Butzerin, Casanova (Cuira), Claus, Dalbert, Demarmels, Geisseler, Jeker, Kasper, Patt, Roffler, Telli, Thomann, Tscholl, Walther, Wettstein

Session: 27.03.2002
Vorstoss: rg Interpellation


Resposta da la regenza

La regenza respunda las dumondas fatgas sco suonda:

1. Duplicitads duain vegnir reducidas spezialmain en ils suandants secturs:

- medicina interna
- chirurgia generala
- urologia
- recepziun per cas d'urgenza (durant la notg e la sonda e dumengia)
- labor central
- apoteca
- sala d'operaziun (la sonda e dumengia)
- administraziun
- acquisiziuns, reparaturas e mantegniment
- gremis surordinads

Las mesiras per sbassar ils custs cun reducir las duplicitads e cun la coordinaziun generala vegnan calculadas davent dal segund onn da gestiun cumplain cun 4.6 miliuns francs.

    2. La midada è planisada pass per pass durant in temp da 3 fin 5 onns.

    3. Per il mument exista ina staziun d'urgenza en l'ospital chantunal e mintgamai ina recepziun per cas d'urgenza en l'ospital da la Crusch ed en l'ospital da dunnas Fontana. En il concept d'urgenza da l'ospital da dunnas Fontana n'èn previsas naginas midadas. La finamira tar ils cas d'urgenza da l'ospital chantunal e da l'ospital da la Crusch è da garantir be pli en in lieu ina preschientscha immediata d'urgenza durant 24 uras e d'avair en mintga disciplina subordinada be pli ina equipa da pichet empè da sco oz, per gronda part duas cun tant pli paucas acziuns. Perquai è previsa la suandanta schliaziun: Tar las disciplinas cun ina gronda frequenza da cas d'urgenza (traumatologia, chirurgia generala e medischina interna generala sco er la disciplina subordinada cardiologia) èsi previs da reparter, sin fundament da l'infrastructura ch'è gia avant maun (staziun intensiva, salas d'operaziun, institut da radiografia cun MRI e CT), en general a l'ospital chantunal. Tar las spezialitads urologia, ORL, egls, chirurgia a maun e chirurgia plastica èsi planisà da recepir cas d'urgenza en il temp da lavur normal durant il di a la re- cepziun per cas d'urgenza da l'ospital cumpetent per la spezialitad correspun- denta (center da cumpetenza). Durant la notg e las fin d'emna è planisà in ser- vetsch da pichet cun in temp da clamada da 15 20 minutas. Tar in cas d'urgenza spiramain d'urologia, ORL, egls u da chirurgia a maun che po vegnir reglà cun ils meds dal center da cumpetenza èsi raschunaivel da clamar ils medis ed il persunal da tgira directamain al center da cumpetenza. Tar in politrauma u tar situaziuns acutas precaras che na permettan betg da spetgar 15 20 minutas èsi perencunter inditgà dad ospitalisar il pazient directamain a la staziun d'urgenza, perquai ch'ins suppona da stuvair duvrar nal'infrastructura centrala. Sche quests pazients cun politrauma u en ina situaziun acutaprecara daventan suenter il tractament pazients normals d'ina subdisciplina, vegnan els dischlocads il proxim di en il lieu correspundent.

4. La midada da la coordinaziun da las disciplinas proponida da la cumissiun d'ospital communabla da la societad simpla „Ospitals Cuira“ pretenda las suandantas mesiras architectonicas:
- Construcziun d'ina gronda clinica dal di a l'ospital da la Crusch (empè da duas clinicas dal di pitschnas a l'ospital chantunal ed a l'ospital da la Crusch).
- Midar ils locals da visita da standard actuals en locals spezials per l'urologia (spezialmain transferir l'apparat per sfratgar craps dals gnirunchels da l'ospital chantunal a l'ospital da la Crusch).
- Dischlocar ils locals da visita existents da l'urologia en l'ospital chantunal per la cardiologia (spezialmain midar il local spezial cun l'apparat da sfratgar craps dals gnirunchels existent en in cumplex per cardiografia e angiografia).

5. En il plaz d'ospitals Cuira vegnan investids mintg'onn ca. 10 12 milliuns francs. Per la realisaziun dal plaz d'ospitals Cuira ston ins quintar in investiziun unica da ca. 2 milliuns francs.

Datum: 23 d'avrigl 2002