A chaschun da la deliberaziun dal rapport dal chantun 2001 ha rinvià cusseglier guvernativ Huber a nov material statistic detaglià che saja da consultar per giuditgar objectivamain l'economia publica dal Grischun. Las cifras menziunadas sa repartan sin il rapport dal chantun e sin publicaziuns da la BCG, da la federaziun grischuna d'artisanadi e mastergn e dal forum economic.
Ils postulants chattan questa partiziun e sparpagliaziun sco er las differentas indicaziuns da la vegliadetgna d'infurmaziuns relevantas pauc funcziunalas ed ineffizientas. La sparpagliaziun surmaina bunamain ad interpretar las datas tenor interess particulars e fa resultar maletgs sbagliads.
Ils postulants pretendan perquai da la regenza da publitgar las statisticas necessarias cun ils commentaris sin ina plattafurma unifitgada per pudair giuditgar cuntinuadamain l'economia publica dal Grischun. Ils postulants intimeschan da far accessibel online quest material da statistica classifitgà tenor regiuns e branschas a la homepage dal departament da l'intern e da l'economia publica en ina furma che vegn actualisada cuntinuadamain.

Cuira, ils 29 da matg 2002

Name: Loepfe, Tscholl, Claus, Augustin, Bär, Barandun, Berther (Mustér), Berther (Sedrun), Biancotti, Birrer, Brunold, Büsser, Cahannes, Camazzi, Casanova (Cuira), Cathomas, Crapp, Dalbert, Demarmels, Dermont, Donatsch, Farrér, Federspiel, Feltscher, Geisseler, Giacometti, Giuliani, Hardegger, Hess, Jäger, Jeker, Jenny, Juon, Kehl, Kessler, Koch, Kollegger, Lardi, Looser, Luzio, Mani, Märchy, Marti, Montalta, Nick, Noi, Pfenninger, Pfiffner, Portner, Quinter, Righetti, Rizzi, Sax, Scharplatz, Schmid (Sedrun), Schmid (Val S. Pieder), Schütz, Stiffler, Suenderhauf, Trachsel, Tramèr, Tremp, Trepp, Tuor (Mustér), Tuor (Trun), Vetsch, Wettstein, Zanolari, Zegg, Zinsli

Session: 29.05.2002
Vorstoss: rg Postulat