Navigaziun principala

Cuntegn da la pagina

Interpellaziun concernent plazzaments esters da giuvenils en instituziuns adattadas

Sessiun: 29.05.2002
Igl è in fatg ch'er en il chantun Grischun basegnan dapli giuvenils, sin fundament da massivas singularitads dal cumportament, in provediment persunal en in rom protegì.

En il chantun Grischun na datti fin oz naginas instituziuns che tegnan quint da questa circumstanza. Bleranzi èsi aschia che giuvenils en talas situaziuns da crisa ston vegnir plazzads en talas situaziuns da crisa en custaivlas proceduras d'admissiun en staziuns d'ordaifer il chantun. Savens passa qua in temp prezius, perquai ch'ils giuvenils ch'han basegn da l'assistenza dal chantun respectiv vegnan chapaivelmain preferids en las instituziuns ditgas.

Uschia èsi daventà fitg difficil da chattar a temp util instituziuns adattadas per giuvenils ch'han basegn d'assistenza. Questa circumstanza na difficultescha betg mo la lavur dals spezialists e da las autoritads cumpetentas, mabain signifitga er problems supplementars per il giuvenil pertutgà e per sia famiglia gia fermamain chargiada.

Per quest motiv è l'autoritad d'avugadia cumpetenta sfurzada pli e pli d'ospitalisar giuvenils en situaziuns da crisa l'emprim en la partiziun serrada d'ina clinica psichiatrica (Waldhaus u Beverin), schebain ch'ils medis spezialisads da là na possedan betg las enconuschientschas specificas per l'assistenza da „pazients giuvenils“.

En l'interess d'in agid effectiv per giuvenils cun grevs problems e cun singularitads dal cumportament fan las interpellantas ed ils interpellants la dumonda a la regenza:

Tge pensa la regenza da far per crear pussaivladas staziunaras adattadas, per pussibilitar als giuvenils en situaziuns da crisa agid sin il champ terapeutic-socialpedagogic?

Cuira, ils 29 da matg 2002

Name: Mani, Valsecchi, Schütz, Ambühl, Battaglia, Biancotti, Bühler, Butzerin, Casanova (Cuira), Cathomas, Cavegn, Caviezel, Cavigelli, Christ, Christoffel, Conrad, Dermont, Donatsch, Geisseler, Giovannini, Giuliani, Hardegger, Heinz, Hunger, Jäger, Jeker, Jenny, Joos, Kehl, Kessler, Koch, Lemm, Luzio, Maissen, Meyer, Möhr, Nick, Parolini, Peretti, Pfenninger, Pfiffner, Portner, Quinter, Ratti, Robustelli, Scharplatz, Stiffler, Suenderhauf, Trepp, Vetsch, Wettstein, Zarro, Zindel, Zinsli

Session: 29.05.2002
Vorstoss: rg Interpellation


Resposta da la regenza

1. Cun la decisiun dals 1. da december 1989 ha il cussegl grond renconuschì la staziun da terapia per uffants e giuvenils planisada da la fundaziun per psiciatria d'uffants e da giuvenils dal Grischun sco instituziun ch'ha il dretg da cuntribuziuns en il senn da la lescha d'impedids.

Il concept da la fundaziun era previs per las suandantas gruppas visadas:
- scolars cun disturbis psichics che sa manifesteschan en il sectur d'emprender e da sa depurtar, respectivamain scolars cun mendas da naschientscha u auters disturbis spiertals u psichics che sa laschan influenzar grevamain.
- Giuvenils cun disturbis psichics che sa manifesteschan spezialmain en il sa depurtar social u che blocheschan fermament la capazitad e la prontezza d'emprender.

Per ils scolars (6 fin 15 onns) eran previs 6 10 plazs, per ils giuvenils 6 plazs.

Gia avant l'avertura da la chasa da terapia hai sa mussà ch'il concept ha ils suandants mancos:
- l'incumpatibilitad da tractar uffants neurotics, cun singularitad dal cumportament e giuvenils dissocials en las medemas localitads
- mancanza d'in concept terapeutic e pedagogic per giuvenils
- mancanzas da qualificaziun dals terapeuts e dals pedagogs per la lavur cun giuvenils.

La chasa da terapia Fürstenwald è suandantamain vegnida concepida be per il tractament e per la tgira d'uffants. Per il tractament cumpetent da giuvenils fermamain disturbads cun ina diagnosa da psicosa endogena, grevas depressiuns cun suicidalitad, dissocialitad cun negligenza smanatschanta, grevs disturbis da prestaziun neurotics mauncan tant las localitads sco er las premissas dal persunal.

2. Per mancanza d'ina staziun per giuvenils en il chantun ston ils giuvenils che basegnan in provediment persunal en in rom protegì vegnir plazzads vinavant en instituziuns ordaifer il chantun. Quai sa demussa tenor la communicaziun da la cumissiun d'avugadia per pli e pli grev. La regenza va perina cun l'interpellanta ch'en vista da questa situaziun da partenza saja da prender mesiras per garantir che giuvenils en situaziuns da crisa survegnian ad ura agid terapeutic-pedagogic sozial en in rom adattà.

Il servetsch psichiatric per uffants e giuvenils (SPUG) ha elavurà en quest senn in concept general per ina staziun psichiatra dal Grischun per giuvenils ed inoltrà quella la primavaira al departament da giustia, polizia e sanitad per in'emprima opiniun. Il SPUG sclerescha per il mument suenter la consultaziun cun il departament la necessitad da plazs per staziunar giuvenils che basegnan tgira. Examinadas vegnan er variantas per il plazzament e las pussaivladads da collavuraziun cun il chantun Son Gagl.

La regenza vuless prender anc quest onn ina decisiun preliminara areguard il proceder per garantir plazs avunda per staziunar giuvenils dal Grischun che basegnan tgira.

Datum: 26 d'avust 2002