Navigaziun principala

Cuntegn da la pagina

Postulat concernent l'ulteriur proceder en dumondas da telecommunucaziun.

Sessiun: 31.05.2002
La vendita da la NetCom Grischun SA che la regenza ha planisà e davart la quala ins ha discuttà en il rom da la sessiun da mars 2002 è stada per il cussegl grond in surpraisa ed ha chaschunà grondas malsegirezzas.
La strategia e la procedura en ils fatgs da la telecommunicaziun n'è deplorablamain betg clera ed effizienta, er betg suenter las dumondas fatgas en questa sessiun areguard la deliberaziuna dal rapport dal chantun. La deliberaziun da la nova lescha davart il promover l'economia publica che cusseglier guvernativ Huber ha empermess per la proxima debatta na gida betg ad eliminar las malsegirezzas ed ils dubis actuals. Ultra da quai na san ins er betg exact cura che quella vegn ad avair lieu. Ina infurmaziun averta a las vischnancas ed als consuments para necessaria ed urgenta per che quels possian planisar en furma impegnativa e clera u sistir planisaziuns betg pli actualas.
Ma er tar la societad principala da la NetCom SA, la Tele Rätia SA, numnada curtamain TRSA, datti malsegirezzas areguard la strategia e l'incumbensa. Ins n'è gnanc segir sch'il chantun vegn a posseder er vinavant questa societad. Spezialmain sa cuntradi la regenza sche tenor il protocol da la sessiun da mars in “fusiunar NetCom Grischun SA e TRSA” vegnia examinà sco strategia ed il cussegl d'administraziun possia vegnir incumbensà cun la planisaziun concreta. Entant che en questa sessiun èsi vegnì declerà sin ina dumonda concreta che ina vendita da la TRSA na saja u na saja mai stada previsa.

Pervi da la situaziun fitg scumbigliada e cun l'intenziun da na vegnir mess puspè davant fatgs accumplids pretendan ils postulants ils suandants pass da la regenza:

1. La strategia nova resp. revedida da la NetCom ed en cumplettaziun da la TRSA resp. da la regenza dal chantun Grischun sto vegnir communitgada uschè spert sco pussaivel. Las vischnancas ston savair co ch'i va vinavant. I vegn giavischà a la regenza da sclerir meglier ed immediat ils detagls davart il proceder e davart il plan da termins.

2. In'eventuala vendita da la TRSA na duai betg vegnir concludida fin che la strategia ed il proceder n'èn betg enconuschents ed acceptads. Ins sto sa dumandar tgi che avess per cas insumma la cumpetenza da vender, spezialmain perquai che la fundaziun da la Tele Rätia SA era vegnida decidida a sias uras dal cussegl grond.

3. Ina separaziun dal persunal, da l'organisaziun e da las finanzas tranter la TRSA e la NetCom para cunvegnenta. La regenza vegn supplitgada da far ina zavrada cumplessiva. Da metter ensemen la TRSA e la NetCom è per entant deplazzà e sto vegnir suspendì fin che la decisiun da la strategia da princip para er raschunaivla.

4. Ils postulants supplitgeschan la regenza da dar scleriment davart la restituziun dals credits da la TRSA tras la NetCom. Sch'ina restituziun n'è betg pussaivla pudess ins far diever dal med d'ina decleranza d'abdicaziun da la posiziun.

5. Ils postulants pretendan in stop immediat dad ulteriurs meds a la NetCom. Ina transiziun cun daners dal chantun a la NetCom Grischun SA per mantegnair la liquiditad po succeder be sch'ins po guadagnar uschia temp per ina buna strategia e sche la NetCom Grischun SA na betg vegn vendida immediat.

Cuira, ils 31 da matg 2002

Name: Marti, Loepfe, Walther, Bär, Barandun, Berther (Mustér), Biancotti, Birrer, Bischoff, Bucher, Büsser, Cahannes, Capaul, Casanova (Cuira), Cathomas, Catrina, Caviezel, Cavigelli, Christ, Claus, Comazzi, Crapp, Demarmels, Donatsch, Farrér, Federspiel, Feltscher, Frigg, Geisseler, Giacometti, Giuliani, Hanimann, Hartmann, Hess, Jäger, Jenny, Joos, Juon, Kessler, Koch, Lardi, Looser, Luzio, Meyer, Nick, Pfenninger, Plozza, Portner, Quinter, Ratti, Righetti, Robustelli, Roffler, Sax, Scharplatz, Schütz, Suenderhauf, Suter, Thomann, Tremp, Trepp, Tuor (Mustér), Tuor (Trun), Wettstein, Zanolari, Zarro, Zegg

Session: 31.05.2002
Vorstoss: rg Postulat


Resposta da la regenza

1. La NetCom Grischun SA (NetCom) è ida per il 1. d'avust 2002 da la Tele-Rätia SA (TRAG) al consorzi privat. La firma sa numna ussa da nov Grischa Vision. Ils 23 d'avust ha la Grischa Vision orientà a chaschun d'ina orientaziun da pressa davart sia strategia futura e si'activitad. La TRAG da sia vart vegn proximamain ad orientar las vischnancas ed ils abonents davart la situaziun. La strategia futura per la TRAG po dentant pir vegnida communitgada en detagl cur che quella è elavurada ed ins po preschentar in concept finanzial correspundent.

2. Igl è previs da preschentar al cussegl grond las valurs fundamentalas da la strategia da la TRAG futura en il rom da la revisiun da la lescha davart la promoziun da l'economia publica. A quella chaschun vegn il cussegl grond er a pudair s'exprimer davart in'eventuala privatisaziun da la TRAG.

3. Las duas societads TRAG e NetCom vegnan, sco quai ch'ils postulants pretendan, separadas en ils secturs da persunal, organisaziun, e finanzas. La reorganisaziun duai succeder uschè spert sco pussaivel ed esser concludida fin la fin da quest onn.

4. La NetCom Grischun SA na dispona da nagins meds finanzials pli per pudair restituir il credit da 3,6 milliuns francs a la TRAG. La Tele-Rätia SA sto perquai scriver giu ses dabun. In a decleranza da demissiun da rang n'è betg previsa en il contract da cumprita cun ils investiturs privats. La bilantscha da cumpra cuntegna dentant ils credits da la banca.

5. La NetCom n'è davent dal 1. d'avust 2002 betg pli ina societad affiliada da la TRAG. Cun quai na van er nagins meds da la TRAG pli a la NetCom.

Datum: 26 d'avust 2002