Navigaziun principala

Cuntegn da la pagina

Dumonda Augustin concernent la bilantscha da la migraziun fiscala

sessiun: 29.08.2005
Cun il rapport da la regenza davart ina revisiun da la lescha chantunala da taglia dals 28-6-2005 vulan ins lantschar ina vasta discussiun davart las taglias. En quest connex sa tschentan las suandantas dumondas: La mobilitad dals umans s'augmenta permanentamain. Almain ad emprima vista para la grevezza fiscala d'esser qua in factur pli e pli impurtant per midar il lieu da domicil. Nagin auter che minister federal da finanzas Hans-Rudolf Merz ha constatà perquai dacurt che betg mo il chapital, mabain er las forzas da lavur che gudognan bain, èn daventads unitads mobilas, gea schizunt fugitivas. En quest senn supplitgain nus la regenza da respunder las suandantas dumondas:

1. Quantas persunas natiralas prendan dapi l'onn 2000 per onn chalendar il Grischun sco domicil fiscal? Quantas presunas han bandunà a medem temp per onn il domicil fiscal Grischun?

2. Tge consequenzas ha gì questa bilantscha da la migraziun per onn sin las entradas fiscalas dal Grischun u dumandà cun auters pleds: Pon ins trair ina conclusiun per onn (a partir dal 2000) sco er dal resultat dal quint (perioda 2000 2004) ed eventualmain tgenina davart il fatg quants pajataglias fitg nauschs, nauschs, mesauns, buns, fitg buns ch'èn immigrads en il Grischun resp. emigrads dal Grischun? Qualas èn stadas las entradas fiscalas correspundentas?

3. Co giuditgescha la regenza questa bilantscha da migraziun fiscala per il chantun Grischun?

4. Tge conclusiuns tira ella da la bilantscha da migraziun fiscala?

Cuira, ils 29 d'avust 2005

Name: Augustin, Bachmann, Bär, Berther (Mustér), Berther (Sedrun), Biancotti, Bundi, Büsser, Capaul, Cavigelli, Crapp, Dermont, Fallet, Farrér, Fasani, Keller, Maissen, Parpan, Portner, Quinter, Sax, Schmid, Tremp, Tuor, Zanetti, Zanolari, Thurner

Session: 29.08.2005
Vorstoss: rg Anfrage


Resposta da la regenza

Cun la dumonda Augustin vegn la regenza incumbensada da far ina glista dal dumber da pajataglias ch'èn emigradas u emigrads dal chantun Grischun u ch'èn immigradas u immigrads en il chantun Grischun ils onns 2000 fin 2004. La regenza ha restrenschì ils scleriments als onns 2001 fin 2004. L'onn da taxaziun 2000 croda en la largia da taxaziun ch'è vegnida chaschunada da la midada a la valitaziun postnumerando. L'onn fiscal 2000 è anc registrà en il program dad EED vegl che na cumpiglia anc betg ils elements statistics necessaris. Ina programmaziun nova en in program vegl na po betg vegnir responsada per motivs finanzials.

Las dumondas concretas po la regenza respunder sco suonda:

1. Ils onns 2001 fin 2004 èn succedidas las suandantas immigraziuns ed emigraziuns:
<br><br>
<table width="500" border="0" cellspacing="0" cellpadding="0">
<tr>
<td>onn</td>
<td>persunas sa tratgas natiers</td>
<td>persunas che han bandunà il chantun</td>
</tr>
<tr>
<td>2001</td>
<td>1'303</td>
<td>2'511</td>
</tr>
<tr>
<td>2002</td>
<td>1'156</td>
<td>2'277</td>
</tr>
<tr>
<td>2003</td>
<td>1'627</td>
<td>2'314</td>
</tr>
<tr>
<td>2004</td>
<td>1'676</td>
<td>2'375</td>
</tr>
<tr>
<td>total</td>
<td>5'762</td>
<td>9'477</td>
</tr>
</table>
<br><br>
2. Las consequenzas per las entradas fiscalas per onn n'èn betg stadas fitg grondas. Sch'ins resguarda dentant l'entira perioda da l'onn 2001 fin l'onn 2004, pon ins constatar che las persunas sa tratgas natiers han gì ina prestaziun fiscala dad 11,3 milliuns francs e las persunas che han bandunà il chantun ina tala da 18,9 milliuns francs. Ils detagls pon vegnir mussads en furma d'ina tabella:
<br><br>
<table width="500" border="0" cellspacing="0" cellpadding="0">
<tr>
<td colspan="3"><strong>Persunas sa tratgas natiers ils onns 2001 fin 2004</strong></td>
</tr>
<tr>
<td>prestaziun fiscala<br>
(mo taglias chantunalas)<br></td>
<td>dumber da las/dals pajataglias</td>
<td>total da l'import da taglia </td>
</tr>
<tr>
<td>fin 1'000</td>
<td>2'940</td>
<td>751'565</td>
</tr>
<tr>
<td>1'001 fin 5'000</td>
<td>2'344</td>
<td>5'694'070</td>
</tr>
<tr>
<td>5'001 fin 20'000</td>
<td>456</td>
<td>3'673'588</td>
</tr>
<tr>
<td>passa 20'000</td>
<td>22</td>
<td>1'152'965</td>
</tr>
<tr>
<td> </td>
<td>5'762</td>
<td>11'272'188</td>
</tr>
<tr>
<td colspan="3"><strong>Persunas che han bandunà il chantun ils onns
2001 fin 2004</strong></td>
</tr>
<tr>
<td>prestaziun fiscala<br>
(mo taglias chantunalas)<br></td>
<td>dumber da las/dals pajataglias</td>
<td>total da l'import da taglia </td>
</tr>
<tr>
<td>fin 1'000</td>
<td>4'639</td>
<td>1'108'250</td>
</tr>
<tr>
<td>1'001 fin 5'000</td>
<td>4'022</td>
<td>9'794'226</td>
</tr>
<tr>
<td>5'001 fin 20'000</td>
<td>778</td>
<td>6'051'273</td>
</tr>
<tr>
<td>passa 20'000</td>
<td>38</td>
<td>1'946'910</td>
</tr>
<tr>
<td> </td>
<td>9'477</td>
<td>18'900'659</td>
</tr>
</table>
<br><br>
3. Las retschertgas mussan ch'il dumber da las persunas che han bandunà il chantun è bler pli grond ch'il dumber da las persunas sa tratgas natiers. Areguard il dumber total da las/dals circa 112'500 pajataglias primars per la fin da l'onn 2004 èn las cifras dentant minimas.

Da la bilantscha da migraziun pudess dentant vegnir concludì ch'in basegn d'agir pudess vegnir snegà en quai che concerna ils fatgs fiscals. In sguard sin il svilup da la populaziun dals onns 1992 fin 2002 da l'uffizi federal da statistica mussa dentant in maletg in zic auter. Durant questa perioda ha il chantun Grischun registrà in augment da la populaziun da 3,9%; 0,6% da quel augment pon vegnir attribuids a la migraziun. En chantuns fiscalmain pli favuraivels è quella part bler pli gronda. Uschia sa chatta il chantun Zug cun 11,3% a la testa da la glista dals chantuns cun las ratas da creschientscha las pli grondas. Quai mussa ch'il sectur fiscal na dastga betg vegnir tralaschà e ch'i dat in basegn d'agir, tant pli perquai ch'ils resultats positivs da la migraziun registrads ils onns 1992 fin 2002 èn sa midads en il fratemp en resultats negativs.

4. La bilantscha da migraziun mussa che distgargias fiscalas èn necessarias er en il sectur da las persunas natiralas e che las mesiras, che vegnan proponidas en il rapport davart ina revisiun da la lescha da taglia, ston vegnir realisadas.

Datum: 10 d'october 2005