Navigation

Inhaltsbereich

Incumbensa Ratti concernent la scolaziun d'informatica en Engiadina / vals dal sid

Sessiun: 25.04.2006
Suenter che la swisscom ha chalà da scolar emprendistas ed emprendists d'informatica è vegnida fundada in'uniun d'utilitad publica "center da scolaziun d'informatica Engiadina". L'uniun ha l'intent da scolar giuvenils en professiuns da la tecnologia d'informatica tenor las disposiziuns mintgamai vertentas da la lescha federala davart la furmaziun professiunala (LFPr) e da la lescha davart la furmaziun professiunala en il chantun Grischun (LCFPr). La scolaziun dura 4 onns. Ils emprims dus onns vegnan las emprendistas ed ils emprendists instruids en il lavuratori d'emprendissadi a Samedan, entant ch'il terz ed il quart onn d'emprendissadi vegnan absolvid tar ils partenaris da l'uniun. Quest partenadi tranter l'economia privata ed il maun public garantescha ina scolaziun optimala. Quest model permetta da porscher ina scolaziun da tecnologias d'infurmaziun er en la regiun perifera da l'Engiadina e da las vals dal sid, schebain che questa structura da firma è pauc sviluppada sin quest champ. Actualmain èn occupadas 17 plazzas d'emprendissadi; senza il CIE fissi dentant strusch pussaivel d'occupar dapli che 5-6 plazzas d'emprendissadi.
Ils custs dal CIE importan annualmain ca. 500'000.- francs. La confederaziun ed il chantun sa participeschan cun ca. 130'000.- francs, ils partenaris da l'uniun (7) cun ca. 130'000.- francs. Ultra da quai ha il seco renconuschì quest project da scolaziun ed al sustegna cun 80'000.- francs. Il project scada dentant l'onn 2008. Il deficit da ca. 160'000.- francs sto surpigliar l'uniun. Il sectur da las tecnologias d'infurmaziun è in champ da scolaziun cardinal per l'avegnir. Per l'economia dentant er per il maun public èsi impurtant che questa scolaziun succedia er en las regiuns periferas, per che la valur agiuntada restia a lunga vista en questas regiuns.
Las sutsegnadas ed ils sutsegnads envidan la regenza d'elavurar la basa legala per che questa pussaivladad da scolaziun impurtanta saja pussaivla en noss chantun e per che en spezial il center da scolaziun d'informatica Engiadina / vals dal sid possia vegnir cuntinuà.

Cuira, ils 25 d'avrigl 2006

Name: Ratti, Fallet, Bischoff, Arquint, Biancotti, Conrad, Fasani, Giovannini, Hartmann, Lemm, Mengotti, Parolini, Perl, Plozza, Robustelli, Tramèr, Zanetti, Zanolari, Zegg, Bezzola, Campell

Session: 25.04.2006
Vorstoss: rg Anfrage





Resposta da la regenza

Er la regenza è da l'avis ch'il center da scolaziun d'informatica Engiadina (CIE) saja in lieu da scolaziun prezius. El porscha oravant tut per la giuventetgna da l'Engiadina e da las vals dal sid plazzas d'emprendissadi da IT supplementaras.

A chaschun da sia sesida dals 18 d'avrigl ha la regenza relaschà per la consultaziun fin ils 14 da fanadur 2006 il sboz per ina nova lescha davart la furmaziun profes-siunala e davart purschidas da furmaziun cuntinuanta (revisiun totala da la lescha chantunala davart la furmaziun professiunala). Il sboz da la lescha prevesa en l'artitgel 41 ina concessiun pli flexibla da contribuziuns als lavuratoris d'emprendis-sadi che quai è oz il cas. La regenza propona en il sboz da consultaziun da stgaffir la basa per cuvrir la largia da finanziaziun ch'è resultada da la retratga da la swisscom e che na po betg vegnir serrada tras ils partenaris da l'uniun ed ulteriuras entradas cun meds finanzials supplementars dal chantun. Uschia ha la regenza la pussaiv-ladad da tegnair quint cun ils custs adattads imputabels, cun ina tariffa da contri-buziun flexibla e cun pauschalas orientadas a la prestaziun da la capacitad finanziala differenta dals lavuratoris d'emprendissadi e d'als consegnar contribuziuns chantuna-las adequatas.

En quest senn è la regenza pronta d'acceptar l'incumbensa da preparar e da suttametter al cussegl grond la basa legala necessaria per la subvenziun pli ferma dal CIE tras il chantun.

Datum: 27 da zercladur 2006