L'uffizi da sport dal Grischun organisescha er questa stad, en collavuraziun cun las federaziuns ed uniuns da sport, champs da sport per giuvenils en la vegliadetgna da 10 fin 20 onns. Totalmain èn previs 22 champs en las disciplinas ballape, alpinissem, surfing, navigar a vela, canu, hockey sin glatsch, tennis, mountainbike, budo e rampignar. Ultra da quai ha lieu a Tenero dals 2 fin ils 8 da fanadur 2000 in champ polisportiv da tendas. Ils champs dattan la pussaivladad unica a la giuventetgna grischuna ed extrachantunala da meglierar sias abilitads sportivas durant las vacanzas da stad en in ambient manà ed organisà da spezialists.
Infurmaziuns ed annunzias: uffizi da sport dal Grischun, tel. 081-257 27 55 u per e-mail: claudia.belina@sportamt.gr.ch. Internet: www.sportamt-gr.ch.
Gremi: uffizi da sport dal Grischun
Funtauna: rg uffizi da sport dal Grischun