A partir dal 1. da schaner 2002 vegnan reunids l'uffizi d'agricultura e l'uffizi da megliuraziun e mesiraziun al nov uffizi d'agricultura, meglieraziun da structura e mesiraziun (UAMM). Cunquai cuntanscha il project "Agro 99" ch'è vegnì lantschà l'onn 1999 dal departament da l'intern e da l'economia publica sia terminaziun. Il project ha gì l'intent d'examinar gist tant las structuras dal sectur da l'agricultura sco er la repartiziun da las incumbensas e cumpetenzas. Sco resultat sa preschenta uss cun la realisaziun da l'UAMM sco in'organisaziun orientada vers il futur, economica ed orientada a la clientella.
En consequenza da la pensiun dals schefs dals uffizis da fin uss han ins pudì occupar gia ad uras las plazzas dal schef da l'uffizi d'agricultura, meglieraziun da structura e mesiraziun cun Aurelio Casanova sco er dal manader da la partiziun d'agricultura cun Valentin Luzi. Aurelio Casanova lavura gia dapi il 1. da november 2001 sco schef da l'uffizi da megliuraziun e mesiraziun. Il 1. da schaner 2002 cumenza Valentin Luzi sia lavur sco manader da la partiziun d'agricultura.

Gremi: departament da l'intern e da l'economia publica
Funtauna: rg departament da l'intern e da l'economia publica