La mesemna/il mardi, ils 11/12 d'avrigl sa trategna la regenza dal chantun Neuchâtel en il Grischun.
Sut la guida da president da la regenza Thierry Béguin fan ils tschintg commembers da l'executiva ed il chancelier da Neuchâtel ensemen cun lur partenarias resp. partenaris ina visita a la regenza dal Grischun. Da vart dal chantun Grischun prendan part a quest inscunter ils commembers da la regenza ed il chancelier chantunal cun lur partenarias resp. partenaris.
Previs èn tranter auter ina spassegiada tras la citad veglia da Cuira, ina visita da la catedrala, in aperitiv tar l'uvestg Amédée Grab, ina visita da la construcziun d'orglas Favugn SA sco er in curt gir tras il bain puril dal Plantahof.
La scuntrada duai servir per discutar communablamain differentas dumondas interessantas e per approfundar ils contacts amicabels.
Indicaziun: termin per far fotografias ed intervistas curtas mesemna, ils 11 d'avrigl, a las 16.30, davant la catedrala sin la cuira da Cuira.

Gremi: regenza
Funtauna: rg chanzlia chantunala dal Grischun