Navigation

Inhaltsbereich

  • Erste Mitteilung
  • Neuen Beitrag einfügen
Per entant n'èsi betg sclerì tgi che ha chaschunà la perdita dals animals da la muntanera da nursas en las vischnancas da Vuorz e Breil. L'analisa da DNA ha mussà che las provas d'excrements e da pail na derivan betg d'in luf. Uschia n'èsi anc adina betg cler, sch'in chaun u in luf ha stgarpà las nursas.

Enfin oz ha in canide (chaun u luf) stgarpà tschintg nursas en la Surselva e blessà in ulteriur animal uschè grev ch'ins ha stuì mazzar quel. Plinavant ins ha chattà quatter nursas persas en in stadi da decumposiziun ch'ins n'ha betg savì pli eruir la raschun da la mort. L'analisa da DNA avess gì da dar scleriment, sch'in chaun u in luf è responsabel per ils stgarps da las nursas. Ins ha examinà las provas d'excrements e da pail, las qualas èn vegnidas chattadas damanaivel d'in stgarp da nursa a l'entschatta da settember. L'analisa ha mussà ch'ils excrements derivan d'in chaun, la prova da pail perencunter è d'ina vulp. Cunquai ch'i n'è betg demussà ch'ils fastizs dal chaun stattan en in connex direct cun il stgarp da la nursa ston las examinaziuns cuntinuar.

Gremi: uffizi da chatscha e pestga
Funtauna: rg uffizi da chatscha e pestga
Neuer Artikel