Dapi l'entschatta da schaner 2002 sa numna l'inspecturat da chatscha e pestga da nov uffizi da chatscha e pestga dal Grischun
Ils pensums principals da l'uffizi èn restads ils medems: Surveglianza dals effectivs da selvaschina e dals peschs e l'organisaziun da la chatscha e pestga. Ils davos onns èn dentant s'augmentads essenzialmain ils champs da las incumbensas en il senn d'ina consideraziun cumplessiva da la fauna e da lur spazi da viver. Latiers appartegnan las dumondas dal spazi da viver, la surveglianza dals effectivs er da mammals na lubids, dals utschels e dals peschs. Sco fin uss appartegna latiers er l'aspect da l'utilisaziun, pertge ils effectivs da selvaschina e da peschs pon vegnir utilisads persistentamain. Cun la planisaziun da la chatscha e da la pestga po questa persistenza vegnir cuntanschida e cun questa han ins en mira in equiliber tranter ils effectivs ed ils spazis da viver. L'infurmaziun da la publicitad davart la lavur en l'uffizi è in ulteriur pensum impurtant. En quest senn è er s'augmentà il champ da las incumbensas dals organs da surveglianza da la polizia da chatscha en direcziun d'ina guardia da la fauna.
Il champ da las incumbensas pli extendì ha chaschunà la midada da la denominaziun da l'uffizi.

Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun