A l'apero d'energia da mesemna, ils 27 da november 2002 vegni mussà, co ch'ins po promover cun l'etichetta "citad d'energia" il svilup persistent en las vischnancas. Tavau - l'emprima citad d'energia dal chantun Grischun - ha fatg cun questa etichetta bunas experientschas ed ha pudì optimar sia politica d'energia. La Val d'Alvra è vegnida undrada ils 22 da settember sco emprima regiun da la Svizra cun l'etichetta "citad d'energia".

Tavau è l'emprima vischnanca en Grischun ed insumma l'emprima destinaziun turistica pli gronda cun la distincziun "citad d'energia". Tenor Peter Bieler, deputà dal cussegl pitschen, è quell'etichetta per entant la culminaziun da las activitads da la politica da l'ambient ch`è vegnida lantschada 1986 a Tavau cun in studi da l'ambient. Quell'etichetta è in'obligaziun d'agir vinavant en moda creativa e conscienta da la responsabladad cun noss spazi da viver e cun l'energia.
La Val d'Alvra fa sur la media diever d'energia da lain e da sulegl. Quai è stà tranter auter in motiv decisiv per dar a quella regiun l'etichetta citad d'energia(r). Thomas Kollegger, president communal d'Alvagni, relatescha dal process da svilup.
Pius Hüsser, Nova Energie, mussa che prestaziuns che vischnancas han da realisar per survegnir l'etichetta citad d'energia(r). Quell'etichetta è in mussament da prestaziun per ina politica d'energia consequenta che s'orientescha al resultat. Ella ha gia pudì vegnir attribuida a 70 citads e vischnancas da la Svizra cun totalmain 1,5 milliuns abitantas ed abitants.
L'architect da la citad da Cuira, Gilbert L. Chapuis, infurmescha davart il stand da la planisaziun a Cuira ed orientescha da projects intenziunads.
Balz Lendi da l'uffizi d'energia dal chantun Grischun mussa co ch'il chantun promova il svilup persistent en vischnancas.
L'apero d'energia ha lieu a las 17.00 a la Scol'auta da tecnica ed economia a Cuira.

Gremi: uffizi d'energia dal Grischun
Funtauna: rg uffizi d'energia dal Grischun