I vegnan pajadas contribuziuns en l'import total da 126'000 francs
als sequents purtaders da cultura grischuns:
- orchester da chambra grischun per l'activitad da concert l'onn
2002,
- circus d'uffants Lollypop per ses program 2002 ed
- teater da poppas Arcasperli per ses program 2002.
Agid umanitar
A la crusch cotschna svizra (CCS) vegn pajada ina contribuziun da
10'000 francs en favur da l'acziun d'agid per las victimas da l'erupziun
dal vulcan a Goma.
Da las vischnancas
Il project per la renovaziun e sanaziun da la scolina en la chasa
communala da Castasegna vegn approvà definitivamain. I vegn garantì ina
contribuziun chantunala da maximalmain 40 pertschient vi dals custs
d'investiziun imputabels da circa 200'000 francs.
La nova lescha davart las taxas da cura e e las contribuziuns al
turissem da Sumvitg sco er las revisiuns parzialas da las leschas da
taglia d'Arvigo e da Trin èn vegnidas approvadas.
Per differents projects da construcziuns da vias en il chantun
vegnan liberads credits da totalmain circa sis milliuns francs
(mantegniment e renovaziun da la A13 sin il sectur Nufenen-Fuchstobel e
contribuziun annuala per la direcziun dal project cumplessiv dal
sviament da Roveredo).
Fatgs dal persunal
Marcel Oswald, naschì 1971, da Müstair, domicilià a San Murezzan,
daventa cumissari da taglia tar l'administraziun da taglia cun
l'entschatta fanadur.
Chanzlia chantunala dal Grischun
Gremi: regenza
Funtauna: rg chanzlia chantunala dal Grischun