Mardi, ils 12 da favrer sa scuntra la regenza cun auts uffiziers da l'armada. Igl è prevì in bainvegni en la sala da la regenza, in aperitiv en il tschaler da la Chasa grischa ed alur in gentar communabel. Questa scuntrada serva per la tgira dals contacts ed per in discurs davart temas da l'interess cuminaivel. La regenza grischuna ed il cumandant cirquital colonel Ferdinand Marty èn ils ospitants. Sco giasts vegnan spetgadas las suandantas persunas:
- divisiunari Martin Orelli, substitut dal schef dal stab general
- cumandant da corp Beat Fischer, cumandant dal corp d'armada da muntogna 3
- divisiunari Valentino Crameri, cumandant da la divisiun da muntogna 12
- brigadier Fritz Lier, cumandant da la brigada territoriala 12
- brigadier Walter Gieringer, cumandant da la brigada da fortezza 13 (a partir dal cumenzament 2002), e
- brigadier Bruno Gähwiler, anteriur cumandant da la brigada da fortezza 13 (fin la fin da l'onn 2001).

Gremi: regenza
Funtauna: rg chanzlia chantunala dal Grischun