Navigation

Inhaltsbereich

  • Erste Mitteilung
  • Neuen Beitrag einfügen
Il project META - uschè numnà en regurdientscha da l'emprima istoricra da la Svizra e l'emprima cumbattanta per il dretg da votar e d'eleger per las dunnas Meta von Salis-Marschlins (1855-1929) - perscrutescha en il rom d'in studi en quatter vischnancas grischunas ils motivs per la participaziun sut la media da las dunnas en la politica communala e formulescha sa basond sin ils resultats dal studi las premissas per la promoziun da las dunnas en la politica (communala).
Il project META è resultà dal studi davart las vischnancas 2000 dal biro d'egualitad (www.stagl.gr.ch).

Descripziun dal project
Il studi duai partir d'in punct positiv: co stuessan esser las relaziuns per che las dunnas pudessan s'imaginar in uffizi politic en lur vischnanca? In retschertga fundada directamain al lieu (retschertga da datas) vegn accumpagnada d'in concept da communicaziun: ils resultats na duain betg vegnir publitgads pir suenter la finiziun dal studi. La publicitad vegn integrada en il process dal proejct e sviluppescha qua tras ina schientscha modifitgada en connex cun la moda da far dumondas. La finamira pragmatica dal studi è in rinforzament da la diversitad d'opiniuns, decisiuns politicas sustegnidas pli bain ed a moda pli vasta tras la participaziun da las dunnas e la promoziun da l'egualitad da las schanzas.

Finamiras
Eruir ils motivs per la situaziun effectiva (pia per la participaziun manglusa da las dunnas a l'acziun politica), gudogn da l'enconuschientscha.
Sviluppar mesiras e strategias per augmentar la quota da dunnas.
Laschar participar la publicitad interessada al project.

Furma
Las quatter vischnancas da Schnaus, Vella, Domat e Vaz èn sa decididas, suenter in'emprima dumonda dal biro d'egualitad, da cuntinuar cun la collavuraziun. Ellas èn veritablas vischnancas da pilot. Il studi che satisfa a las pretensiuns scientificas, è d'interess lunsch sur ils cunfins dal chantun.

Proceder
Ina cooperaziun pli stretga cun las vischnancas, enquista cun questiunaris ed intervistas structuradas singulas, analisa, discussiun dals resultats cun las vischnancas participadas, sviluppar mesiras, rapportar ed infurmar la publicitad.

Purtaders
Il biro d'egualitad è responsabel per il project, responsabla è la manadra Sina Bardill.
Il team da project consista da las suandantas persunas:
Katharina Belser, Peiden, sociologa lic. fil.
Silvia Hofmann-Conrad, Cuira, germanista, lic. fil. e schurnalista
Silke Redolfi, Masagn, istoricra lic. fil.
Gruppa da reflexiun accumpagnanta:
prof. dr. Sibylle Hardmeier, universitad da Turitg
dr. fil. Brigitte Liebig, universitad da Turitg
lic. fil. Bettina Nyffeler, UFCOM Bienna
lic. iur. Ursin Fetz, center da management d'administraziun, HTW Cuira

Finanzas
Il project vegn sustegnì da la regenza grischuna cun ina contribuziun ord il fond da la lottaria naziunala.

Urari
2001 concept general, finanziaziun, collavuraziun cun las vischnancas
2002 realisaziun da l'enquista, analisa
2003 codificaziun e publicaziun (en il rom da l'onn da giubileum 2003)

Gremi: biro d'egualitad dal Grischun
Funtauna: rg biro d'egualitad dal Grischun
Neuer Artikel