Ina cumissiun predeliberanta dal cussegl grond sut il presidi da deputà Flurin Caviezel ha deliberà en preschientscha da cusseglier guvernativ Klaus Huber la missiva e las propostas da la regenza en connex cun la revisiun totala dal concordat davart la scol'auta svizra d'agricultura al Plantahof. La cumissiun propona unanimamain al cussegl grond d'entrar en la fatschenta e d'approvar la midada dal concordat.
Ils elements centrals da la revisiun èn il nov num da la scola sco "scol'auta svizra d'agricultura" ed ina spartiziun adattada da las incumbensas tranter il cussegl dal concordat, il cussegl d'administraziun e la direcziun. Las disposiziuns dal concordat davart la direcziun administrativa e finanziala vegnan regladas cumplettamain da nov. Il sistem da fin qua da la finanziaziun dals custs restants tras ils chantuns ed il Principadi da Liechtenstein vegn remplazzà tras ina finanziaziun orientada vers la prestaziun cun contribuziuns pauschalas per student u studenta.
Il cussegl grond sa fatschenta durant la sessiun da matg cun quest project.

Gremi: cumissiun predeliberanta dal cussegl grond
Funtauna: rg cumissiun predeliberanta dal cussegl grond