Venderdi, ils 14 da zercladur visita il nunzi apostolic la regenza dal chantun Grischun. La sentupada ha lieu a Cuira.
Il nunzi apostolic da la Svizra, monsignore Pier Giacomi De Nicolò fa ensemen cun l'uvestg da Cuira, Amédée Grab, ina visita a la regenza grischuna. Da vart dal chantun Grischun èn preschents a quest'occasiun il president da la regenza Claudio Lardi, il vicepresident da la regenza Stefan Engler sco er il chancelier Claudio Riesen. Suenter il bainvegni dals giasts en la sala da la Chasa grischa vegn servì in apero ed in gentar communabel. La reuniun duai approfundar ils contacts amicabels existents.

Gremi: regenza
Funtauna: rg chanzlia chantunala dal Grischun