Fin a nov urden resta il scumond absolut da far fieu en vigur
L'uffizi forestal avertescha dapi emnas d'in grond privel da fieu per cultira e guaud en tut il Grischun. Dapi mais n'hai betg pluvì daried pli. Il terren è sientà considerablamain ed il svilup da la vegetaziun è franà. En questa aura sitga e tar las temperaturas autas ston ins far extremamain attenziun en l'adiever da fieu. Las emnas passadas èn vegnids envidads en il chantun Grischun passa 20 incendis da guaud che han per part chaschunà custs da stizzar massivs. Guauds ch'han ina giada tschiffà fieu na pon betg sa calmar durant emnas fin la proxima plievgia permanenta.

Sco gia las emnas passadas èsi - fin a nov urden ed er en vista a las festivitads dal 1. d'avust - absolutamain scumandà da far fieu en il guaud ed en la vischinanza dal guaud. Da fieus artifizials sto vegnir desistì dal tuttafatg a la festa naziunala da quest onn. Fieus sin ils auts dastgan vegnir fatgs be lunsch sur il cunfin dal guaud, en lieus segirs e cun las mesiras da precauziun necessarias. Excepziuns da fieus en il liber dastgan vegnir fatgas be en cunvegna cun las autoritads communalas e cun ils corps da pumpiers cumpetents. Cigarettas u zulprins envidads na dastgan vegnir bittads davent en nagin cas.
Igl è da far quint che la situaziun sa calmia pir suenter ina perioda intensiva da plievgia d'almain 3 dis. Curts uradis ed urizis na pon betg neutralisar la situaziun precara. En cas che la situaziun sa calmass visiblamain vegn il scumond da far fieu adattà en reguard al 1. d'avust.

Gremi: uffizi forestal dal Grischun
Funtauna: rg uffizi forestal dal Grischun