Navigation

Inhaltsbereich

  • Erste Mitteilung
  • Neuen Beitrag einfügen
Cun l'avertura dal tunnel dal Vereina il november 1999 tutga il pass dal Flüela tar las vias da pass che na vegnan betg pli tegnidas avertas durant l'entir onn. Er en l'avegnir vegn la via dal pass dal Flüela perquai ad esser serrada da l'emprima fin d'emna da schaner fin il 1. da matg per mintga traffic da transit. Per il temp transitori dals 15 da november fin l'emprima fin d'emna da schaner sco er per il temp dal 1. da matg fin ils 31 da matg èn il chantun e l'uniun "Pro Flüela" s'accordads per in onn da prova da surdar il servetsch d'enviern ed il mantegniment da la via - sco tar il pass dal Lucmagn - als purtaders privats "Pro Flüela". Als custs che resultan da quai paja il chantun ina contribuziun pauschala da 80'000 francs.
Questa regulaziun tegna quint dal fatg ch'il termin da la serrada d'enviern definitiva e da l'avertura da primavaira ha adina puspè dà motiv a discussiuns per part animadas. Ultra da quai resguarda la regulaziun las mesiras da spargn concludidas da la regenza damai ch'ils custs dal chantun per tegnair avert il pass durant il temp transitori e per l'avertura da primavaira pon vegnir reducids considerablamain.

Gremi: departament da construcziun, traffic e selvicultura
Funtauna: rg departament da construcziun, traffic e selvicultura
Neuer Artikel