Tenor la lescha per promover la tgira da malsauns ha la regenza fixà las tariffas maximalas per abitantas ed abitants da chasas da tgira per l'onn 2004. Las novas tariffas importan tut tenor il stgalim da tgira tranter 100 francs e 190 francs per di da tgira e per abitant. Las tariffas valan per las purschidas sustegnidas cun contribuziuns dal chantun per la tgira ed assistenza staziunara da pazients stabels e da persunas attempadas.

Da vischnancas e regiuns
- Cumbel, Degen, Lumbrein, Murissen, Vella, Vignogn, Vrin: La regenza approva las novas leschas davart l'incassament da taxas da cura e da contribuziuns per promover il turissem.
- Leggia: La revisiun totala da la lescha communala da taglia dals 30 da settember 2003 po entrar en vigur. La regenza l'ha approvada.
- Mustér, Lumbrein: Sin dumonda da las vischnancas ordinescha la regenza l'introducziun dal register funsil federal en singuls territoris parzials da la vischnanca.
- Malauras november 2002: Per mesiras da reparaziun en ils territoris da las vischnancas da Mustér, Sumvitg, Trun, Schlans, Breil, Rueun, Glion, Schluein, Falera, Val S. Pieder, Vella, Suraua, Lumbrein, Cuira, Churwalden, Surava, Tinizong, Sour, Grüsch e Vaz sut conceda la regenza totalmain 674'000 francs. L'uffizi federal per aua e geologia ha garantì ina contribuziun federala da 55 %.

Contribuziuns chantunalas a diversas instituziuns
- Sport-toto: Dals meds dal fond da sport-toto ha la regenza concedì contribuziuns da totalmain 12'000 francs al club d'unihockey Rot-Weiss Cuira, al club d'unihockey Alligator Malans, a l'uniun da gimnast(a)s artistic(a)s dal Grischun ed al club da skis Sarsura Zernez.

Projects da vias
1,1 milliuns francs ha la regenza permess per:
- acquist da terren, plazza da controlla per il traffic da camiuns pesants Unterrealta, A13b Tusaun-La Punt

chanzlia chantunala dal Grischun

Gremi: regenza
Funtauna: rg chanzlia chantunala dal Grischun